Eagle Movie First Review :’రావణాసుర’ , ‘టైగర్ నాగేశ్వర రావు’ వంటి వరుస డిజాస్టర్ ఫ్లాప్స్ తర్వాత మాస్ మహారాజా రవితేజ హీరో గా నటించిన చిత్రం ‘ఈగల్ ‘. కార్తీక్ ఘట్టమనేని దర్శకత్వం లో తెరకెక్కిన ఈ సినిమా జనవరి 13 వ తారీఖున విడుదల కావాల్సి ఉంది. కానీ ఆ సమయం లో థియేటర్స్ సమస్య రావడం తో ఫిబ్రవరి 9 వ తేదికి వాయిదా పడింది. ఇప్పటికే ఈ సినిమాకి సంబంధించిన టీజర్, ట్రైలర్ ప్రేక్షకులను విశేషంగా ఆకట్టుకున్నాయి.
ఇకపోతే ఈ సినిమాకి సంబంధించిన ప్రివ్యూ షో ని రీసెంట్ గానే రవితేజ రామానాయుడు ప్రివ్యూ థియేటర్ లో చూసాడు. ఈ షో కి కొంతమంది మీడియా ప్రతినిధులు , సినీ ప్రముఖులు హాజరు అయ్యారు. సినిమా చూసిన వెంటనే రవితేజ ‘చాలా కాలం తర్వాత ఎంతో సంతృప్తి ని ఇచ్చిన సినిమా ఇది’ అన్నాడు.
ఈ సినిమా రన్ టైం 2 గంటల 38 నిమిషాలు ఉంటుందట. రవితేజ కాకుండా ఈ సినిమాని చూసిన మిగిలిన సెలబ్రిటీస్ చెప్పిన మాట ఏమిటంటే, ఇటీవల కాలం రవితేజ నుండి ఈ రేంజ్ సినిమా రాలేదని, యాక్షన్ సన్నివేశాలు చాలా వరకు అద్భుతంగా కుదిరాయని, కచ్చితంగా ఆయన కెరీర్ ఈ చిత్రం మైలురాయిగా నిలిచిపోతుందని చెప్పుకొచ్చారట.
సినిమా మొత్తం ఒక ఎత్తు అయితే , చివరి 30 నిమిషాలు మాత్రం మరో ఎత్తు, కార్తీక్ ఘట్టమనేని చాలా అద్భుతంగా తీసాడు అని చెప్పుకొచ్చారు. సినిమా లో కంటెంట్ తో పాటుగా, రవితేజ నుండి ఫ్యాన్స్ కోరుకునే అన్నీ కమర్షియల్ ఎలెమెంట్స్ కూడా ఉంటాయని అంటున్నారు. మరి ఫ్యాన్స్, ఆడియన్స్ నుండి కూడా ఇదే రేంజ్ టాక్ వస్తుందా లేదా అనేది తెలియాలంటే మరో మూడు రోజులు ఆగాల్సిందే.
