Virat Kholi – Anushka : అనుష్క శర్మ రెండోసారి ప్రెగ్నెంట్ అన్న వార్తలు చాలా కాలంగా హల్ చల్ చేస్తున్నాయి. అయితే, ఈ వార్తలను హీరోయిన్ అనుష్క శర్మ ఇప్పటి వరకు ధృవీకరించలేదు. అటు ఆమె భర్త విరాట్ కోహ్లీ నుండి కూడాఎటువంటి స్పందన లేదు. అయితే ఇప్పుడు అనుష్క-విరాట్‌లు రెండోసారి తల్లిదండ్రులు కాబోతున్నారని కన్ఫర్మ్ అయింది. ఈ విషయాన్ని మాజీ క్రికెటర్ ఏబీ డివిలియర్స్ తెలిపాడు. విరాట్ కోహ్లి మాజీ రాయల్ ఛాలెంజర్స్ బెంగళూరు సహచరుడు ఏబీ డివిలియర్స్ యూట్యూబ్ లైవ్‌లో విరాట్ గురించి మాట్లాడుతూ, ‘అతను బాగానే ఉన్నాడని నాకు ఇప్పుడే తెలుసు. అతను తన కుటుంబంతో గడుపుతున్నాడు, అందుకే అతను మొదటి రెండు టెస్ట్ మ్యాచ్‌లు ఆడటం లేదు.’ అన్నారు.
విరాట్ రెండోసారి తండ్రి అయ్యాడన్న వార్తలను ఏబీ డివిలియర్స్ ధృవీకరించాడు.. అతడికి రెండవ బిడ్డ రాబోతున్నాడని చెప్పుకొచ్చాడు. అనుష్క శర్మ, విరాట్ కోహ్లీ ఇప్పటికే ఒక కుమార్తెకు తల్లిదండ్రులు.. అతని కూతురు పేరు వామిక. ఈ జంట తమ కుమార్తెను కెమెరాలు, లైమ్‌లైట్‌లకు దూరంగా ఉంచారు. ఇప్పుడు అనుష్క-విరాట్ తమ రెండో బిడ్డకు స్వాగతం పలికేందుకు సిద్ధమయ్యారు. దీంతో విరాట్ టెస్టు మ్యాచ్‌లకు దూరం కాగా అనుష్క కూడా షోలకు, ఇతరత్రా కార్యక్రమాలకు దూరంగా ఉన్నారు.