Jahnvi Kapoor : జాన్వీ కపూర్ కి బాలీవుడ్ లో ఉన్న క్రేజ్ గురించి ప్రత్యేకంగా చెప్పుకోవలసిన పనిలేదు. తెలుగు తెరపై ఆమెను చూడటానికి ఇక్కడి ప్రేక్షకులు ఎంతో ఆసక్తిని చూపుతున్నారు. ఈ నేపథ్యంలోనే ఆమె ‘దేవర’ సినిమాకి గ్రీన్ సిగ్నల్ ఇవ్వడం .. ఫస్టులుక్ తోనే కుర్రాళ్ల మనసులను కొల్లగొట్టడం జరిగిపోయింది. ఈ సినిమాకి ఆమె ప్రత్యేక ఆకర్షణగా నిలుస్తుందని అంతా భావిస్తున్నారు.
దీంతో జాన్వీ కపూర్ కోలీవుడ్ ఎంట్రీకి కూడా రంగం సిద్ధమవుతూ ఉందనే టాక్ బలంగా వినిపిస్తోంది. బాలీవుడ్ డైరెక్టర్ ఓం ప్రకాశ్ తమిళంలో సూర్య హీరోగా ఒక సినిమా చేయడానికి సన్నాహాలు చేసుకుంటున్నాడు. ఆల్రెడీ కథా చర్చలు ముగిశాయని అంటున్నారు. ఈ సినిమాలో కథానాయికగా జాన్వీని ఎంపిక చేయడం జరిగిపోయిందనే ఒక టాక్ కాస్త గట్టిగానే వినిపిస్తోంది. జాన్వీ వయసు 26 ఏళ్లు.. సూర్య వయసు 48 ఏళ్లు కావడంతో తన కంటే 22 ఏళ్లు పెద్ద హీరోతో రొమాన్స్ అవసరమా అని నెటిజన్లు కామెంట్స్ చేస్తున్నారు.
మరికొందరు మాత్రం ఈ హాట్ బ్యూటీ కోలీవుడ్ కు వెళ్తున్నందుకు ఆనందంగా ఉంది. ఈ సినిమాను పాన్ ఇండియా స్థాయిలో రిలీజ్ చేసే ఆలోచన ఉండటం వలన, కథానాయికగా జాన్వీని తీసుకున్నారని చెబుతున్నారు. ప్రస్తుతం సూర్య ‘కంగువా’ సినిమాకి సంబంధించిన పనులతో బిజీగా ఉన్నాడు. ఆ తరువాత ఆయన ఈ ప్రాజెక్టుతోనే సెట్స్ పైకి వెళ్లనున్నాడని అంటున్నారు. మొత్తానికి కోలీవుడ్ ఎంట్రీ కూడా గట్టిగానే ఉండేలా జాన్వీ ప్లాన్ చేసుకుందన్న మాట.