Naa Saami Ranga : ఆషిక రంగనాథ్ ఇప్పుడు ఓ క్రేజీ హీరోయిన్. ఇటీవల మన్మథుడు నాగార్జున సరసన నా సామిరంగ సినిమాతో ప్రేక్షకుల ముందుకు వచ్చింది. ఒక్క సినిమా హిట్ అయింది అంటే చాలు.. మన టాలీవుడ్ డైరెక్టర్స్ అంతా ఆ హీరోయిన్ తమ సినిమాలో కావాలని వెంటపడుతూ ఉంటారు. అయితే నాగార్జున లాంటి సీనియర్ హీరోను సైతం అందంలో డామినేట్ చేసింది ఆషిక. తన నటనతో ఆకట్టుకోవడంతో ప్రస్తుతం సీనియర్ స్టార్ హీరోల అందరికీ ఓ మంచి ఆప్షన్ అయిపోయింది. అవ్వడానికి కుర్ర హీరోయిన్ అయినా సీనియర్ హీరోలకు సరిగ్గా సెట్ అవుతుందన్న అభిప్రాయం వారిలో మొదలైంది.
మొదట కళ్యాణ్ రామ్.. అమిగోస్ సినిమాలో నటించిన ఆ సినిమా అంతగా ప్రభావితం చూపకపోవడంతో ఈమెకు సక్సెస్ రాలేదు. ఇక నా సామిరంగతో హిట్ కొట్టి టాలీవుడ్‌లో.. రెండో సినిమాతోనే భారీ క్రేజ్‌ సంపాదించుకుంది. కాగా మొదట కన్నడలో 2016లో ‘రౌడీ బాయ్స్’ సినిమాతో ఎంట్రీ ఇచ్చింది. ఆ తర్వాత కన్నడ స్టార్ హీరో శివరాజ్ కుమార్ సరసన ఓ మూవీలో చేసి ఆకట్టుకుంది.
కన్నడలో మొత్తం 15 సినిమాలు పైగా నటించిన ఆషిక.. అక్కడ కూడా సీనియర్ హీరోలతో నటించి ప్రేక్షకులను మెప్పించింది. సీనియర్ హీరోలకు పర్ఫెక్ట్ జోడి అని అభిప్రాయం సంపాదించుకుంది. మధ్యలో ఓ మలయాళ సినిమాలో కూడా చేసింది. మెల్లమెల్లగా సౌత్ ఇండియన్ స్టార్ హీరోయిన్ గా పాపులారిటీ దక్కించుకున్న ఆషికా రంగనాథ్ ఫ్యూచర్‌లో పాన్ ఇండియా సినిమాల్లో కూడా నటించాలని ఆమె అభిమానులు కోరుకుంటున్నారు.