Trivkiram : ఆయన ఒకటి అనుకుంటే దైవం మరొకటి తలచిందన్న సామెత దర్శకుడు త్రివిక్రమ్ శ్రీనివాస్ కు అద్దినట్టు సరిపోతుంది. ఇటీవల భారీ అంచనాల నడుమ తెరకెక్కి విడుదలైన గుంటూరు కారం సినిమా కలెక్షన్స్ పరంగా పర్వాలేదనిపించినా.. నెగిటివ్ టాక్ తో దారుణాతి దారుణమైన ట్రోలింగ్ ఎదుర్కొంటుంది. నిజం చెప్పాలంటే త్రివిక్రమ్ – మహేష్ బాబు కెరియర్ లో ఇప్పటివరకు ఇలాంటి ట్రోలింగ్ ఎదుర్కొన్న సినిమా లేదనే చెప్పాలి.
గతంలో వాళ్ల కాంబోలో వచ్చిన అతడు, ఖలేజా సినిమాలు సూపర్ హిట్ అయ్యాయి. అయితే ఇక్కడ గుంటూరు కారం పరిస్థితి మాత్రం దారుణంగా మారిపోయింది. ఇటీవల గుంటూరు కారం సినిమాకు సంబంధించిన మరొక విషయం వైరల్ అవుతుంది. గుంటూరు కారం సినిమా కథ.. కన్నా ముందే త్రివిక్రమ్ మహేష్ బాబు అనుకున్న స్టోరీ మరోటి ఉందట.
ఎస్ ఎస్ ఎం బి 28 సినిమా అనౌన్స్ చేసిన సమయంలో త్రివిక్రమ్ రిలీజ్ చేసిన పోస్టర్స్.. ఆయనను ఇంట్రడ్యూస్ చేస్తూ విడుదల చేసిన పిక్స్ .. గుంటూరు కారం సినిమా రిలీజ్ అయ్యాక మహేశ్ లుక్స్ పూర్తి భిన్నంగా ఉన్నాయి. యాక్షన్ మూవీని ఫ్యామిలీ సెంటిమెంట్ గా మార్చేసి సినిమాకు భారీ దబ్బేశాడు త్రివిక్రమ్ అంటూ మహేష్ ఫ్యాన్స్ మండిపడుతున్నారు. నువ్వు అనుకున్న సినిమా ఒకటి లాస్ట్ మూమెంట్లో దాని సైడ్ చేసి చెత్త కథతో మా హీరోకు ఫ్లాపు ఇచ్చావంటూ ఫైర్ అవుతున్నారు.