Jai Hanuman : దేవుళ్లను సూపర్ హీరోలుగా ప్రపంచానికి పరిచయం చేస్తూ హనుమాన్ సినిమాతో కొత్త విశ్వాన్ని సృష్టించాడు టాలీవుడ్ దర్శకుడు ప్రశాంత్ వర్మ. సినిమా ముగింపులో దీనికి సీక్వెల్ ఉందని కూడా ప్రకటించాడు. ఇప్పుడు హనుమాన్ సినిమా బ్లాక్ బస్టర్ విజయం సాధించడంతో సినీ ప్రేక్షకులందరి దృష్టి జై హనుమాన్ సీక్వెల్ పైనే ఉంది. జనవరి 22న అయోధ్యలో బాలక్ రామ్ ప్రాణ ప్రతిష్ఠ జరిగిన సంగతి తెలిసిందే. ఆ రోజే ప్రశాంత్ వర్మ జై హనుమాన్ సినిమా ప్రీ ప్రొడక్షన్ పనులను ప్రారంభించారు.
ఇక ఈ ప్రకటనతో హనుమాన్ అభిమానులంతా జై హనుమాన్ కోసం ఉత్సుకతతో ఎదురుచూస్తున్నారు. అయితే జై హనుమాన్ కథ మొత్తం హనుమాన్ పాత్ర చుట్టూనే తిరుగుతుందని ప్రశాంత్ వర్మ ఇటీవల ఓ ఇంటర్వ్యూలో వివరించాడు. ఆ పాత్ర కోసం ఓ స్టార్ హీరోని తీసుకోబోతున్నట్లు కూడా తెలిపాడు. అందుకే మొదటి భాగంలో హనుమంతుడి ముఖాన్ని బయటపెట్టలేదు. ఇదిలా ఉంటే ఆ స్టార్ హీరో ఎవరనేది టాలీవుడ్ వర్గాల్లో చర్చనీయాంశంగా మారింది. ఇదిలా ఉంటే ఈ సినిమాలో రామ్ చరణ్ రాముడిగా నటిస్తున్న సంగతి తెలిసిందే. హనుమంతుడు ట్రైలర్ విడుదలయ్యాక అందరూ హనుమంతుని కళ్లను చూసి చిరంజీవి అని అనుకున్నారు.
అదేదో సినిమా విడుదల తర్వాత తెలుస్తుందని అందరూ అనుకున్నారు. కానీ ప్రశాంత్ వర్మ మాత్రం సినిమాలో హనుమంతుడి ముఖాన్ని బయటపెట్టకుండా సస్పెన్స్ మెయింటైన్ చేస్తున్నాడు. అయితే ఆ కళ్లలో సగభాగం చూస్తే రానా దగ్గుబాటి కనిపిస్తున్నారని పలువురు అభిప్రాయాన్ని వ్యక్తం చేస్తున్నారు. ఇదిలా ఉంటే హనుమాన్ సినిమా ప్రమోషన్స్ లో కూడా రానా సందడి చేశాడు. మన మనసుకు బాగా దగ్గరయ్యే ఇతివృత్తంతో హనుమాన్ చిత్రాన్ని ప్రశాంత్ వర్మ రూపొందించారని అన్నారు. ఇక ఇప్పుడు హనుమంతుడి సన్నివేశాలకు సంబంధించిన కళ్లు అలాగే ఉండడం ఈ గాసిప్స్ కు మరింత బలం చేకూర్చింది. మరి జై హనుమాన్‌లో హనుమంతుడిగా ఎవరు కనిపిస్తారోవేచి చూడాలి. ఈ సీక్వెల్ 2025లో ప్రేక్షకుల ముందుకు రానుంది.