Rakesh Master : కేవలం సినిమాల ద్వారా పాపులారిటీ ని సంపాదించుకునే రోజులు పొయ్యాయి. సోషల్ మీడియా అభివృద్ధి చెందిన తర్వాత ఎంతో మంది టాలెంటెడ్ ఆర్టిస్టులు బయటపడ్డారు. అలా మన అందరికీ సోషల్ మీడియా ద్వారా బాగా సుపరిచితమైన సెలబ్రిటీ రాకేష్ మాస్టర్. ఈయన ఒక కొరియోగ్రాఫర్ గా ఒకప్పుడు మన టాలీవుడ్ లో చాలా సినిమాలు చేసాడు. ఆ తర్వాత ఢీ అనే డ్యాన్స్ షో లో కూడా ఒక డ్యాన్స్ మాస్టర్ గా పనిచేసాడు.
ప్రస్తుతం ఇండియా లో టాప్ మోస్ట్ కొరియోగ్రాఫర్స్ గా కొనసాగుతున్న శేఖర్ మాస్టర్, జానీ మాస్టర్ వంటి వారు ఈయన శిష్యులే. అయితే ఇండస్ట్రీ లో దూసుకువెళ్తున్న సమయంలో కొంతమంది కుట్రలు చేసి రాకేష్ మాస్టర్ కెరీర్ ని సర్వనాశనం చేసారు. అలాంటి సమయం లో ఆయనకీ అన్నం పెట్టింది సోషల్ మీడియానే, సోషల్ మీడియా ద్వారా అద్భుతమైన ఎంటర్టైన్మెంట్ ని పంచుతూ వచ్చిన రాకేష్ మాస్టర్ అకస్మాత్తుగా చనిపోవడం అందరినీ శోక సంద్రం లోకి నెట్టేసింది.
అయితే బ్రతికి ఉన్న రోజుల్లో రాకేష్ మాస్టర్ సోషల్ మీడియా ద్వారా సంపాదించుకున్న ఫేమ్ తో సినిమాల్లో అవకాశాలు సంపాదించాడు. ప్రస్తుతం పాన్ ఇండియా లెవెల్ లో దుమ్ము లేపుతున్న ‘హనుమాన్’ చిత్రం లో రాకేష్ మాస్టర్ ఊరిపెద్ద గజేంద్ర అనుచరుడిగా నటించాడు. ఆయన కనిపించింది కేవలం మూడు సన్నివేశాల్లోనే. అయ్యినప్పటికీ ఎప్పటికీ గుర్తుండిపోయే పాత్ర అది.
కేవలం ఆ మూడు సన్నివేశాలకు రాకేష్ మాస్టర్ కి 2 లక్షల రూపాయలకు పైగా రెమ్యూనరేషన్ అందించారట నిర్మాతలు. ఆయన నేడు బ్రతికి ఉండుంటే హనుమాన్ తర్వాత ఎన్నో అవకాశాలు వచ్చి ఉండేవి, రాబొయ్యే బిగ్ బాస్ సీజన్ లో ఒక కంటెస్టెంట్ గా కూడా పాల్గొని ఉండేవాడేమో. అలా ఆయన సెకండ్ ఇన్నింగ్స్ వేరే లెవెల్ లో ఉండేది. అలా ఎదుగుతున్న సమయం లోనే ఆయన తిరిగిరాని లోకాలకు పయనం అవ్వడం దురదృష్టకరం.
