NTR : ప్రస్తుతం సినిమా ఇండస్ట్రీలో ఎంత టఫ్ ఫైట్ ఉందో అందరికీ తెలిసిందే. ఒక హీరోకి మరొక హీరో సపోర్ట్ చేస్తే.. ఆ హీరోకి మరో హీరో యాంటీ అయిపోతున్నాడు. అలాంటి సిచువేషన్ నెలకొంది. అలాంటి పరిస్థితుల్లోనూ కోలీవుడ్ స్టార్ హీరోగా పాపులారిటీ సంపాదించుకున్న హీరో సూర్య.. మన యంగ్ టైగర్ ఎన్టీఆర్ కోసం తీసుకున్న నిర్ణయం అభిమానులను ఆకట్టుకుంది. సూర్య ఎంతో ప్రతిష్టాత్మకంగా తీసుకుని నటిస్తున్న సినిమా కంగువ. ఈ సినిమాతో సినీ చరిత్రను తిరగరాయబోతున్నాడంటూ జనాలు ఇప్పటికే ఈ సినిమా పై భారీ అంచనాలు పెంచేసుకున్నారు.
నిజానికి, ఈ సినిమా ఏప్రిల్లో రిలీజ్ చేయాలని అనుకున్నారట మేకర్స్. కానీ ఏప్రిల్ 5 ఎన్టీఆర్ నటించిన దేవర రిలీజ్ అవుతుండడంతో ఈ సినిమాను పోస్ట్ పోన్ చేయాలని డిసైడ్ అయ్యారట. అంతేకాదు ఒక హీరో సినిమాకి మరొక హీరో సినిమా కాంపిటీషన్ అవ్వకూడదని సినిమా ఇండస్ట్రీ అంటే అందరి మధ్య మంచి రిలేషన్ షిప్ ఉండాలి.. ముందుకు వెళ్లాలి అని.. పెద్ద మనసుతో ఎన్టీఆర్ కోసం సూర్యనే ఈ సినిమాను పోస్ట్ పోన్ చేయమంటూ సూచించాడట.
అంతేకాదు సూర్య ఈ సినిమా విషయంలో తీసుకున్న నిర్ణయం పట్ల నందమూరి అభిమానులు ఫుల్ ఖుషీగా ఫీల్ అవుతున్నారు. రియల్ ఫ్రెండ్ షిప్ అంటే ఇదేరా మామ అంటూ వారిద్దరినీ తెగ పొగిడేస్తున్నారు. సిరుత్తై శివ దర్శకత్వం వహించిన ఈ చిత్రం పై ప్రేక్షకుల్లో, అభిమానుల్లో ఆసక్తి నెలకొంది. ఈ చిత్రంలో సూర్య పవర్ ఫుల్ యోధుడిగా నటించాడు. ఈ చిత్రం 3D ఫార్మాట్‌లో కూడా విడుదల కానుంది. ఈ సినిమాకి సంబంధించిన తన భాగానికి సంబంధించిన షూటింగ్ మొత్తం పూర్తి చేశానని సూర్య తాజాగా సోషల్ మీడియా ద్వారా వెల్లడించిన సంగతి తెలిసిందే.