Bigg Boss Adhi Reddy : మనకు తెలిసిన విషయమే.. చాలా మంది హిందువుల ఆరాధ్య దైవం రాముడి ఆలయాన్ని అయోధ్యలో నిర్మించారు. ఈ నెల 22న అతిరథ మహారథుల సమక్షంలో ఘనంగా ప్రారంభం కానుంది. అయోధ్య రామమందిర ప్రారంభోత్సవానికి వివిధ దేశాలకు చెందిన ప్రముఖులతో పాటు మన దేశంలోని తారలను కూడా ఆహ్వానించారు. ఇది అందరికీ తెలుసు. అలాగే రామమందిర నిర్మాణంలో దేశ ప్రజలను భాగస్వామ్యం చేయాలని, విరాళాలు సేకరిస్తున్న సంగతి తెలిసిందే.
కాగా రామమందిర నిర్మాణానికి పలువురు విరాళాలు ఇచ్చారు. స్టార్ హీరోలు, హీరోయిన్లు, నిర్మాతలు, దర్శకులు, క్యారెక్టర్ ఆర్టిస్టులు ఇంకా చాలా మంది రాజకీయ నాయకులు కూడా ఇచ్చారు. అలాగే బిగ్ బాస్ ఫేమ్ ఆది రెడ్డి కూడా రామమందిర నిర్మాణానికి భారీ మొత్తాన్ని విరాళంగా అందించారు. సుమారు లక్ష రూపాయల విరాళం అందించాడు. ఈ విషయాన్ని ఆదిరెడ్డి తన ఫాలోవర్స్ కు తెలియజేశారు. తన అనుచరులందరూ బాగుండాలనే ఉద్దేశ్యంతో తన కుటుంబం.. ఆలయ నిర్మాణానికి లక్ష రూపాయలను విరాళంగా ఇచ్చిందని తెలిపారు.
యూట్యూబర్ రూ.లక్ష విరాళం ఇవ్వడం మామూలు విషయం కాదు. YouTube ఆదాయాలు కొందరికి ఒక్కొక్కరికి వస్తాయి. బిగ్ బాస్ షో ద్వారా ఆది రెడ్డి రివ్యూయర్‌గా బాగానే సంపాదిస్తున్నాడు. అయితే ఒక యూట్యూబర్ రామమందిరానికి లక్ష రూపాయలు ఇవ్వడం ఇప్పుడు సోషల్ మీడియాలో హాట్ టాపిక్ గా ట్రెండ్ అవుతోంది. యూట్యూబ్ ద్వారా తనకు దాదాపు రూ.39 లక్షలు లభిస్తున్నాయని ఇటీవల ఆయన బహిరంగంగా ప్రకటించాడు. దీంతో అతని పేరు సోషల్ మీడియాలో వైరల్ అవుతుంది..!!