Tamannaah : తెలుగు స్టార్ హీరోయిన్ మిల్కీ బ్యూటీ తమన్నా గురించి ప్రత్యేకంగా పరిచయం చేయాల్సిన అవసరం లేదు. చాలా తక్కువ వయసులోనే మంచు మనోజ్ సరసన శ్రీ సినిమాతో తెలుగు పరిశ్రమకు పరిచయం అయింది. కెరీర్ మొదట్లో కొన్ని ఫ్లాపులు ఎదురైనా.. హ్యాపీడేస్ సినిమాతో తన సక్సెస్ ట్రాక్ పట్టాలెక్కింది. ఇక తను వెనక్కి తిరిగి చూసుకోవాల్సిన అవసరం రాలేదు. దాదాపు 20ఏళ్లుగా అదే క్రేజుతో ఇండస్ట్రీని ఏలేస్తోంది. ఈ క్యూటీ ప్రస్తుతం టాలీవుడ్ కి దూరంగా ఉంటూ బాలీవుడ్ లో వరుస అవకాశాలు అందుకుంటుంది. ఇక ప్రముఖ కంపెనీలు తమ ప్రమోషన్ల కోసం తమన్నాకు భారీ ఆఫర్లు ఇస్తున్నాయి.
పెద్ద స్టార్లు ప్రమోషన్స్ చేస్తే తమ కంపెనీలకు అంత లాభదాయకం అనుకుని.. ఎంత అడిగినా ఇచ్చేందుకు రెడీ అవుతుంటారు. ఈ క్రమంలో మన స్టార్లు కొన్ని ఉపయోగకరమైన యాడ్స్ చేస్తూ.. కొన్ని సామాజిక ప్రయోజనకరమైన యాడ్స్ లో కూడా కనిపిస్తుంటారు. ఆ ప్రకారమే డబ్బులు కూడా అందుకుంటున్నారు. ఇప్పుడు ఈ జాబితాలోకి తమన్నా కూడా చేరిపోయింది. కానీ తమన్నా ఎంచుకున్న యాడ్ ఇప్పుడు నెటిజన్లకు కోపం తెప్పిస్తోంది. తమన్నా నిషేధిత గ్యాంబ్లింగ్ యాప్‌ను ప్రమోట్ చేసింది. ఇప్పుడు ఆ వీడియో వైరల్‌గా మారింది. వారు తమ సోషల్ మీడియా ప్లాట్‌ఫామ్‌లో పోస్ట్ చేయడంతో హాట్ టాపిక్ అయిపోయింది. ఆ వీడియోలో తమన్నా ఇక్కడ కాకుండా ఈ వెబ్‌సైట్‌లో జూదం ఆడాలని ప్రేక్షకులకు సూచించింది. మీరు చేరిన వెంటనే మీకు రూ.400 బోనస్ లభిస్తుందని వివరించండి.
ప్రతి 50,000 డిపాజిట్‌కి 5శాతం బోనస్ అని.. అందులో పదుల సంఖ్యలో గేమ్‌లు ఉన్నాయంటూ చెప్పుకొచ్చింది. దీనికి సంబంధించిన వీడియోను సోషల్ మీడియాలో షేర్ చేసి హాట్ టాపిక్ గా మారింది. ఆ వీడియో చూసిన తమన్నా అభిమానులు షాక్ అవుతున్నారు. నువ్వో స్టార్ హీరోయిన్ అయి ఉండి ఇలాంటి బ్యాన్డ్ గ్యాంబ్లింగ్ యాప్స్ ను ఎందుకు ప్రమోట్ చేస్తున్నావు ? తూ.. నీ బతుకు డబ్బులిస్తే ఎలాంటి పనులైనా చేస్తావా అంటూ తిడుతున్నారు. మరి తనపై వస్తున్న నెగిటివ్ కామెంట్స్ పై మిల్కీ బ్యూటీ ఎలా స్పందిస్తుందో వేచి చూడాలి.