Ramya Krishna : సూపర్ స్టార్ మహేష్ బాబు హీరో గా నటించిన ‘గుంటూరు కారం’ చిత్రం మరో నాలుగు రోజుల్లో ప్రేక్షకుల ముందుకు రాబోతున్న సంగతి మన అందరికీ తెలిసిందే. ఈ సినిమాకి సంబంధించిన ప్రమోషనల్ కంటెంట్ మొత్తం అభిమానులను పిచ్చెక్కించేసింది. నిన్న విడుదలైన థియేట్రికల్ ట్రైలర్ కి అయితే ఫ్యాన్స్ సోషల్ మీడియా లో ఊగిపోయారు. ఎందుకంటే వాళ్ళు ఇలాంటి ఎనెర్జిటిక్ మహేష్ బాబు ని చూసి చాలా కాలమే అయ్యింది.
ఈ మహేష్ ని వాళ్ళు గత కొంత కాలంగా థియేటర్స్ లో మిస్ అవుతూ వచ్చారు. ఆయన మార్క్ టైమింగ్ ని త్రివిక్రమ్ బాగా వాడుకున్నాడు అనిపించింది కానీ, సినిమా మాత్రం ఎదో చుట్టేసినట్టుగా అనిపించింది. త్రివిక్రమ్ రేంజ్ డైలాగ్స్ లేవు..అసలు ఇది నిజంగా త్రివిక్రమ్ సినిమానేనా అనే అనుమానం కూడా చాలా మందిలో కలిగింది. కానీ సంక్రాంతికి మాత్రం పర్ఫెక్ట్ సినిమా, ఈ మాత్రం చాలు మహేష్ బాబు రికార్డ్స్ కొల్లగొడుతాడు అనే నమ్మకాన్ని మాత్రం బయ్యర్స్ లో కల్పించింది ఈ ట్రైలర్.
ఇదంతా పక్కన పెడితే ఈ సినిమాలో మహేష్ బాబు కి తల్లిగా రమ్య కృష్ణ నటించింది. తల్లి నుండి చిన్నతనం లోనే విడిపోయిన కొడుకుగా మహేష్ ఇందులో మనకి కనిపిస్తాడు. ఇదంతా పక్కన పెడితే చాలా మంది గమనించని ఒక ముఖ్యమైన విషయాన్నీ ఈరోజు మేము మీ ముందు ఉంచబోతున్నాము. అప్పట్లో మహేష్ బాబు హీరో గా నటించిన ‘నాని’ చిత్రం లో ఒక ఐటెం సాంగ్ లో మహేష్ తో కలిసి చిందులు వేసింది రమ్యకృష్ణ.
ఈ సాంగ్ అప్పట్లో ఒక ఊపు ఊపింది. అలాంటి హాట్ సాంగ్ లో కలిసి నటించిన వీళ్లిద్దరు, ఇప్పుడు తల్లి కొడుకులుగా నటిస్తున్నారు. త్రివిక్రమ్ కొంచెం కూడా ఆలోచించకుండా ఎలా రమ్యకృష్ణ ని ఈ సినిమా తీసుకున్నాడు?, బహుశా వాళ్లిద్దరూ కలిసి ఇలా ఐటెం సాంగ్ చేసారు అనే విషయం త్రివిక్రమ్ కి గుర్తు ఉండకపోయి ఉండొచ్చు. లేకపోతే ఈ సినిమాలో రమ్య కృష్ణ గారిని తీసుకునేవాడు కాదు అని అంటున్నారు నెటిజెన్స్.
