Pawan Kalyan : ప్రస్తుతం మన టాలీవుడ్ హీరోలకు సంబంధించి సెట్స్ మీద ఉన్న భారీ పాన్ ఇండియన్ చిత్రాలలో అభిమానులతో పాటుగా ట్రేడ్ కూడా ఎంతో ఆసక్తిగా ఎదురు చూస్తున్న చిత్రాలలో ఒకటి పవన్ కళ్యాణ్ నటిస్తున్న ‘ఓజీ’. ఈ సినిమా మీద పవన్ కళ్యాణ్ ఫ్యాన్స్ కోటి ఆశలు పెట్టుకున్నారు.
పవన్ కళ్యాణ్ రీ ఎంట్రీ తర్వాత ఆయన తోటి హీరోలందరూ వరుసగా పాన్ ఇండియన్ క్రేజీ ప్రాజెక్ట్స్ చేస్తుంటే, పవన్ కళ్యాణ్ మాత్రం ఓటీటీ మరిగిపోయిన రీమేక్ సినిమాలు చేస్తున్నాడని ఆయన అభిమానులు చాలా తీవ్ర స్థాయిలో అసంతృప్తిని వ్యక్తపరుస్తున్నారు. అలాంటి సమయం లోనే ‘ఓజీ’ ప్రాజెక్ట్ ప్రకటన వచ్చింది. సుజిత్ దర్శకత్వం లో తెరకెక్కుతున్న ఈ సినిమా కి సంబంధించిన గ్లిమ్స్ వీడియో కి ఎలాంటి రెస్పాన్స్ వచ్చిందో మనమంతా చూసాము. పోస్టర్స్ కి కూడా అదే రేంజ్ రెస్పాన్స్ వచ్చింది.
ఇదంతా పక్కన పెడితే సలార్ చిత్రం లో పవర్ ఫుల్ రోల్ చేసిన శ్రీయా రెడ్డి, ఓజీ కూడా మరో పవర్ ఫుల్ రోల్ చేస్తున్న విషయం తెలిసిందే. అనేక ఇంటర్వ్యూస్ లో ఆమె ఈ సినిమా గురించి చెప్పింది. రీసెంట్ గా జరిగిన ఇంటర్వ్యూ లో ఆమె మాట్లాడిన కొన్ని మాటలు చూస్తే పవన్ కళ్యాణ్ ఫ్యాన్స్ కి ‘ఓజీ’ చిత్రాన్ని రేపే చూసేయాలి అనేంత ఆత్రుత కలుగుతుంది.
ఆమె మాట్లాడుతూ ‘నేను ఓజీ చిత్రం కోసం ఎంతో ఆతృతగా ఎదురు చూస్తున్నాను. ఇందులో నేను నెగటివ్ రోల్ చెయ్యట్లేదు కానీ ఒక పవర్ రోల్ ని పోషిస్తున్నాను. ఈ చిత్రం సలార్ కి పది రెట్లు ఉంటుంది. ఈ సినిమా షూటింగ్ చేస్తున్న సమయం లో ఈ హై తో నేను రిటైర్ అయిపోయినా పర్వాలేదు అనిపించింది. ఓజీ చిత్రం లో సగం యాక్షన్ ఉంటే, సగం ఎమోషన్స్ ఉంటాయి..పవన్ కళ్యాణ్ ఫ్యాన్స్ కి మాత్రమే కాదు, మూవీ లవర్స్ కి కూడా ఈ సినిమా ఒక పండగ లాగ ఉంటుంది’ అంటూ శ్రీయా రెడ్డి చేసిన కామెంట్స్ ఇప్పుడు సోషల్ మీడియా లో వైరల్ గా మారింది.
