Vantalakka : ప్రేమీ విశ్వనాథ్ అంటే ఈ పేరు పెద్దగా ఎవరికీ తెలియకపోచ్చు. కానీ కార్తీకదీపం వంటలక్క అంటే మాత్రం ఇట్టే గుర్తు పట్టేస్తారు. అంతలా బుల్లితెర పై ఆ సీరియల్ పాత్ర ప్రేక్షకుల మదిలో చెరగని ముద్ర వేసింది. కార్తీకదీపం సీరియల్ లో వంటలక్క అనే పాత్రలో నటించి భారీ పాపులారిటీతో పాటు పేరు ప్రఖ్యాతలు సంపాదించుకుంది ప్రేమీ విశ్వనాథ్. తనకు బుల్లితెర అభిమానులు కోట్ల సంఖ్యలో ఉన్నారంటే అతిశయోక్తి కాదు.
వాస్తవానికి ఆమె తెలుగు నటి కాకపోయినప్పటికీ.. రెండు తెలుగు రాష్ట్రాలలో విపరీతమైన ఫ్యాన్ ఫాలోయింగ్ సంపాదించుకుంది. వంటలక్క పాత్రలో ఎంతో అద్భుతంగా నటించినటువంటి ఈమె.. కార్తీకదీపం అనంతరం తిరిగి ఏ తెలుగు సీరియల్లో నటించలేదు. ఎప్పుడెప్పుడు మళ్లీ మరో సీరియల్ ద్వారా బుల్లితెరపై కనిపిస్తుందా అని ప్రేక్షకులు ఎదురు చూస్తున్నారు.
సీరియల్స్ అయితే లేవు కానీ.. సోషల్ మీడియాలో ఎప్పటికప్పుడు యాక్టివ్ గా ఉంటూ ప్రేక్షకులతో తన పర్సనల్ విషయాలను సైతం పంచుకుంటుంది. ఇక ఈ క్రమంలోనే తాజాగా తను సీనియర్ యాక్టర్ మహానటి లాగా తయారయ్యి ఓ వీడియో షేర్ చేసింది. ప్రస్తుతం ఈ వీడియో సోషల్ మీడియాలో తెగ వైరల్ అవుతుంది. ఇక ఈ వీడియోను చూసిన ప్రేక్షకులు నీకంత సీన్ లేదంటూ అసభ్యకరంగా కామెంట్స్ చేస్తున్నారు.