Rajamouli : ఈ ఏడాది భారీ అంచనాల నడుమ పాన్ ఇండియన్ స్కేల్ లో విడుదలై బాక్స్ ఆఫీస్ వద్ద బోల్తా కొట్టిన చిత్రాలలో ఒకటి ఆదిపురుష్. ప్రభాస్ లాంటి సూపర్ స్టార్ శ్రీ రాముడు పాత్ర పోషిస్తున్నాడు అంటే ప్రతీ ఒక్కరిలో అంచనాలు ఉండడం సహజమే. ఆ అంచనాలను అందుకోవడం లో ఈ చిత్రం మొదటి ఆట నుండే విఫలం అయ్యింది. అంతే కాకుండా రామాయణం ని ఖూనీ చేసారంటూ దేశ వ్యాప్తంగా నిరసన జ్వాలలు కూడా రగిలాయి.
ప్రభాస్ లాంటి సూపర్ స్టార్ ఏమాత్రం కూడా జాగ్రత్తలు తీసుకోకుండా, పవిత్రమైన రామాయణం ని వక్రీకరిస్తూ చూపిస్తుంటే అలా చూస్తూ ఉండిపోయాడు కానీ, డైరెక్టర్ ని ఏమాత్రం ప్రశ్నించలేకపోయాడు అని ప్రభాస్ ని చాలామంది తిట్టారు. కొంతమంది సెలబ్రిటీస్ సైతం ఈ చిత్రం పై విరుచుకుపడిన సందర్భాలు ఉన్నాయి. ఇప్పుడు ఆ జాబితాలో దర్శక ధీరుడు రాజమౌళి కూడా చేరిపోయాడు.
పవిత్రమైన రామాయణం, మహాభారతం వంటి ఇతిహాసాలను తెరకెక్కించేటప్పుడు ఎంతో జాగ్రత్తగా అధ్యయనం చేసి తియ్యాలి, లేకుంటే మన కెరీర్ లో ఎప్పటికీ మర్చిపోలేని చేదు జ్ఞాపకాన్ని ఆడియన్స్ ఇస్తారంటూ రాజమౌళి ‘ఆదిపురుష్’ చిత్రాన్ని ఉదాహరణగా తీసుకొని చేసిన కొన్ని కామెంట్స్ ఇప్పుడు సోషల్ మీడియా లో వైరల్ గా మారింది. ‘సలార్’ చిత్రం విడుదల అవ్వబోతున్న సందర్భంగా మూవీ టీం ప్రొమోషన్స్ లో ఫుల్ బిజీ గా ఉంది.
ఈ ప్రొమోషన్స్ లో భాగంగా రాజమౌళి ప్రభాస్, ప్రశాంత్ నీల్ మరియు పృథ్వీ రాజ్ తో ఇంటర్వ్యూ ని చేసాడు. ఈ ఇంటర్వ్యూ లో ఒక సందర్భంలో ఆదిపురుష్ చిత్ర ప్రస్తావన తీసుకొని రావాల్సి వచ్చింది. కేవలం డైరెక్టర్ ఓం రౌత్ మీద మాత్రమే కాకుండా, ప్రభాస్ మీద కూడా రాజమౌళి విరుచుకుపడ్డాడు. శ్రీరాముడి పాత్ర మీద నువ్వు సరైన జాగ్రత్తలు తీసుకోలేదు, ఆ వేషధారణ ని కూడా సరిగా అనుసరించలేదు అంటూ రాజమౌళి చేసిన కామెంట్స్ ఇప్పుడు సోషల్ మీడియా లో హాట్ టాపిక్ గా మారింది.
