Ravi Teja : టాలీవుడ్ లో హిట్, ఫ్లాపులతో సంబంధం లేకుండా వరుస పెట్టి సినిమాలు చేసే హీరో మాస్ మహారాజా రవితేజ. ఇటీవల ఆయన టైగర్ నాగేశ్వరరావు సినిమాతో ప్రేక్షకుల ముందుకు వచ్చిన సంగతి తెలిసిందే. అయితే ఈ సినిమా ప్రేక్షకులను అలరించలేకపోయింది. ఈ సినిమా పాన్ ఇండియా లెవల్లో రిలీజైంది. ఈ సినిమాతో బాలీవుడ్‌లోకి కూడా అడుగుపెట్టాడు రవితేజ. దసరా కానుకగా అక్టోబర్ 19న విడుదలైన ఈ సినిమా బాక్సాఫీస్ వద్ద డిజాస్టర్ అయిన సంగతి తెలిసిందే. లాంగ్ రన్ టైమ్ తో విడుదలైన ఈ సినిమా మొదట్లో పాజిటివ్ టాక్ తెచ్చుకోలేకపోయింది.
దీంతో మేకర్స్ 20 నిమిషాల వీడియో నిడివిని తగ్గించి విడుదల చేయడంతో ప్రేక్షకుల్లో కాస్త ఫర్వా లేదనిపించింది. అయితే ఈ సినిమా ఓ మోస్తరు కలెక్షన్లతోనే మిగిలిపోయింది. పాన్ ఇండియా రేంజ్‌లో విడుదలైన ఈ సినిమా సౌత్, బాలీవుడ్‌లో ఎలాంటి ప్రభావం చూపలేకపోయింది. అయితే తాజాగా రవితేజ నటిస్తున్న చిత్రం ఈగల్. ఈ సినిమా కూడా పాన్ ఇండియా స్థాయిలో ప్రేక్షకుల ముందుకు రానుంది.ఈ సినిమాకు కార్తీక్ ఘట్టమనేని దర్శకత్వం వహిస్తున్నారు. ఈ చిత్రానికి ఆటోగ్రాఫర్ కూడా ఆయనే. ఈ సినిమాలో అనుపమ పరమేశ్వరన్ కథానాయికగా నటిస్తుండగా, కావ్య థాపర్ కీలకపాత్రలో నటిస్తోంది.
సంక్రాంతి కానుకగా జనవరి 13న ప్రేక్షకుల ముందుకు రానుంది. ఈ చిత్రానికి సంబంధించిన తాజా అప్‌డేట్‌ను అందించారు. ఈ చిత్రాన్ని హిందీలో సహదేవ్ పేరుతో విడుదల చేయబోతున్నట్లు మేకర్స్ ప్రకటించారు. ఈగిల్ మూవీలో నవదీప్, శ్రీనివాస్ అవసరాల, మధుబాల ప్రధాన పాత్రలు పోషిస్తున్నారు. పీపుల్ మీడియా ఫ్యాక్టరీ బ్యానర్‌పై టీజీ విశ్వప్రసాద్ ఈ చిత్రాన్ని ప్రతిష్టాత్మకంగా నిర్మిస్తున్నారు. బాలీవుడ్ లోనే సహదేవ్ అనే టైటిల్ తో తెరకెక్కుతున్న సినిమాపై ప్రేక్షకుల్లో పలు అనుమానాలు మొదలయ్యాయి. అక్కడ ఆ పేరుతో రిలీజ్ చేయడానికి అంత స్పెషల్ ఏంటి అంటూ.. సోషల్ మీడియాలో డౌట్స్ వ్యక్తమవుతున్నాయి.