Manchu Manoj : టాలీవుడ్ యంగ్ హీరో మంచు విష్ణు మనందరికీ సుపరిచితమే. ఒకప్పుడు విష్ణు చాలా మంచి హిట్ సినిమాల్లో హీరోగా నటించి గుర్తింపు తెచ్చుకున్నారు. ప్రస్తుతం తన డ్రీమ్ ప్రాజెక్ట్ కన్నప్ప షూటింగ్ పూర్తి చేసే హడావుడిలో ఉన్నాడు. ప్రస్తుతం కన్నప్ప సినిమా షూటింగ్ న్యూజిలాండ్ అడవుల్లో శరవేగంగా కొనసాగిస్తున్నారు. భారీ బడ్జెట్‌తో పాన్ ఇండియా మూవీగా రూపొందుతున్న ఈ చిత్రానికి బాలీవుడ్ దర్శకుడు ముఖేష్ కుమార్ సింగ్ దర్శకత్వం వహిస్తున్నారు.
ఇదిలా ఉంటే మంచు విష్ణు ఇటీవల తన కుటుంబంతో కలిసి న్యూజిలాండ్ వెళ్లాడు. అక్కడ కూడా ఎంజాయ్ చేశాడు. తాజాగా మంచు విష్ణు భార్య ఓ ఆసక్తికరమైన వీడియోను షేర్ చేసింది. ఆ వీడియో కింద ఆమె ఇలా రాసింది. న్యూజిలాండ్‌లో కారు నడుపుతుండగా రోడ్డు పక్కన నాకు ఇష్టమైన హైడ్రేంజ మాక్రోఫిల్లా చెట్టుకు పువ్వులు కనిపించాయి.
అప్పుడు విష్ణు కారు ఆపి నా కోసం వాటిని కోసుకుని వచ్చాడు. అయితే నిబంధనల ప్రకారం పూలు ఎక్కడ పడితే అక్కడ కోయకూడదు.. కానీ మేం కోసేశాం. ఇప్పుడు ఈ వీడియో సోషల్ మీడియాలో వైరల్ అవుతోంది. ఇక ఈ వీడియో చూసిన ప్రేక్షకులు.. ‘‘కోస్తే కోశావు కానీ బ్రో.. నీ భార్య షేర్ చేసిన వీడియోతో అడ్డంగా దొరికిపోయావుగా..’’ అంటూ కామెంట్స్ చేస్తున్నారు.