Mrunal Thakur : మృణాల్ ఠాకూర్ ఈ పేరుకు ప్రత్యేకంగా పరిచయం అవసరం లేదు. ఈ అమ్మడు తన అందం, నటనతో చాలా మంది ప్రేక్షకులను ఆకట్టుకుంది. ఇక నాని హీరోగా.. మృణాల్ ఠాకూర్ హీరోయిన్ గా తెరకెక్కిన లేటెస్ట్ మూవీ “హాయ్ నాన్న”. ఈ సినిమా విడుదలైన తర్వాత బాక్సాఫీస్ వద్ద భారీ విజయాన్ని అందుకుంది. ఇందులో వారి నటనకు విమర్శకుల నుండి ప్రశంసలు లభిస్తున్నాయి.
ఈ క్రమంలో ఈ సినిమాపై యువ కథానాయిక శ్రీ లీల ప్రశంసల వర్షం కురిపించింది. ఆమె తన ఇన్‌స్టాగ్రామ్ స్టోరీలో ప్రత్యేక అభినందనలతో పంచుకుంది. దీనిపై మృణాల్ ఠాకూర్ స్పందిస్తూ… “థాంక్యూ సో మచ్ స్వీట్ హార్ట్. మీకు సినిమా నచ్చినందుకు ఆనందంగా ఉంది. నేను మీ నుంచి స్ఫూర్తి పొందాను.
చదువును, పనిని బ్యాలెన్స్ చేసుకోవడం అంత సులువు కాదంటూ ఆమె చెప్పుకొచ్చింది. ఆమె కృతజ్ఞతలకు శ్రీ లీల మరోసారి స్పందిస్తూ.. దట్ మీన్స్ ఎలాట్. యూ మేక్ మీ హ్యాపీ అని ఆమె చెప్పింది. ఇప్పుడు వీరిద్దరి మధ్య జరిగిన సంఘటనలు సోషల్ మీడియాలో వైరల్ అవుతున్నాయి. శ్రీ లీల మృణాల్ ఠాకూర్ కంటే చిన్నది అయినప్పటికీ.. ఈ ముద్దుగుమ్మ ఆమె నుండి అన్ని గొప్ప విషయాలను నేర్చుకుంటుంది.