Pallavi Prashanth : రైతు బిడ్డగా, ఒక సామాన్యుడిగా పల్లవి ప్రశాంత్ కి బిగ్ బాస్ హౌస్ లోకి అడుగుపెట్టక ముందు నుండే సోషల్ మీడియా లో మంచి క్రేజ్ ఉండి. అతనికి బిగ్ బాస్ హౌస్ లోకి వెళ్లడమే పెద్ద లక్ష్యం..సినిమాలు అంటే విపరీతమైన పిచ్చి, ఎదో సాధించాలనే తపన ఉండడం జనాలు బాగా గమనించారు. ఆయన కోరికకు తగ్గట్టుగానే ఈ సీజన్ బిగ్ బాస్ హౌస్ లో పాల్గొనే అవకాశం వచ్చింది.
మొదట్లో కాస్త రతికా తో పులిహోర కలుపుతూ ఆటలో బాగా గాడి తప్పాడు కానీ , ఆ తర్వాత జరిగిన కొన్ని సంఘటనల కారణంగా పల్లవి ప్రశాంత్ విజృంభించేసాడు. ఏ రేంజ్ లో అంటే ఇలాంటి ఆటగాడిని ఇప్పటి వరకు బిగ్ బాస్ చరిత్ర లోనే ఎప్పుడూ చూడలేదు అనే రేంజ్ లో ఆడాడు. అందుకే ప్రతీ ఒక్కరికి పల్లవి ప్రశాంత్ ఫేవరెట్ అయిపోయాడు. వారిలో డైరెక్టర్ హరీష్ శంకర్ కూడా ఒకరట.
ఈయన ఈ బిగ్ బాస్ సీజన్ ని చాలా బాగా ఫాలో అయ్యాడట. ఉన్న కంటెస్టెంట్స్ అందరిలో పల్లవి ప్రశాంత్ ఆట తీరు హరీష్ శంకర్ కి బాగా నచ్చిందట. ఇతను ఉన్నత స్థాయికి కచ్చితంగా చేరుకుంటాడు, ఇతను పైకి ఎదిగేందుకు మనం కూడా ఒక బాట వేద్దాం అనే మంచి ఉద్దేశ్యం తో ప్రస్తుతం ఆయన పవన్ కళ్యాణ్ తో చేస్తున్న ఉస్తాద్ భగత్ సింగ్ చిత్రం లో ఒక మంచి పాత్ర ని ఇచ్చేందుకు సిద్ధం అయ్యాడట.
కేవలం పవన్ కళ్యాణ్ సినిమా మాత్రమే కాదు , ఈ చిత్రం తర్వాత చెయ్యబోయే రవితేజ సినిమాలో కూడా పల్లవి ప్రశాంత్ కి అవకాశం ఇవ్వబోతున్నాడట. బిగ్ బాస్ హౌస్ నుండి బయటకి రాగానే పల్లవి ప్రశాంత్ కి ఉస్తాద్ భగత్ సింగ్ సినిమాలో ఒక నటించేందుకు రెమ్యూనరేషన్ అడ్వాన్స్ చెక్ ని ఇవ్వడానికి సిద్ధం అయ్యాడట హరీష్ శంకర్. చూడాలి మరి బిగ్ బాస్ తర్వాత పల్లవి ప్రశాంత్ కెరీర్ ఎలా ఉండబోతుంది అనేది.
