Sandeep Vanga : టాలీవుడ్ యంగ్ డైరెక్టర్స్ లో పవన్ కళ్యాణ్ వీరాభిమానులు చాలా మంది ఉన్నారు. వీళ్ళు ఇప్పుడు పెద్ద డైరెక్టర్స్ అయ్యాము అనే గర్వం వారిలో ఏమాత్రం కనిపించదు. పవన్ కళ్యాణ్ గురించి మాట్లాడేటప్పుడు ఒక సాధారణ అభిమాని కళ్ళలో ఎలాంటి ఆనందం అయితే ఉంటుందో, అలాంటి ఆనందం వీరిలో చూడొచ్చు. అలాంటి డైరెక్టర్స్ లో ఒకరు సందీప్ రెడ్డి వంగ.
‘అర్జున్ రెడ్డి’ , ‘కబీర్ సింగ్’ వంటి సెన్సేషనల్ బ్లాక్ బస్టర్ హిట్స్ తో పాన్ ఇండియన్ బాక్స్ ఆఫీస్ షాక్ చేసిన సందీప్ పవన్ కళ్యాణ్ కి వీరాభిమాని. ఇది ఎన్నో సందర్భాలలో సందీప్ వంగ చెప్పుకొచ్చాడు. అంతే కాదు సోషల్ మీడియా లో పవన్ కళ్యాణ్ గురించి ఎన్నో సార్లు గొప్పగా మాట్లాడుతూ తన అభిమానం ని చాటుకున్నాడు. ఇప్పుడు ఆయన ‘ఎనిమల్’ అనే చిత్రం తో మన ముందుకు రాబోతున్న సంగతి తెలిసిందే.
ఈ సినిమా ప్రమోషన్స్ లో భాగంగా ఆయన ఇచ్చిన ఒక ఇంటర్వ్యూ లో మాట్లాడుతూ ‘ఈ చిత్రం తర్వాత ప్రభాస్ స్పిరిట్ చిత్రం చేస్తున్నాను. ఈ సినిమా వెంటనే అల్లు అర్జున్ తో ప్రాజెక్ట్ ప్రారంభం అవుతుంది. మహేష్ బాబు కి కూడా నేను ఒక కథ వినిపించాను, ఈ రెండు ప్రాజెక్ట్స్ అయిపోయిన తర్వాత మహేష్ బాబు మరియు రామ్ చరణ్ తో సినిమా ఉంటుంది’ అని చెప్పుకొచ్చాడు.
మరి మీ అభిమాన నటుడు పవన్ కళ్యాణ్ తో సినిమా చెయ్యరా అని యాంకర్ అడగగా, దానికి సందీప్ సమాధానం చెప్తూ ‘పవన్ కళ్యాణ్ తో సినిమా చెయ్యడం నా కల,ఎందుకు చెయ్యాలని అనుకోను..?, కానీ ప్రస్తుతం ఆయన ఉన్న రాజకీయ వత్తిడిలో నా సినిమాకి డేట్స్ ఇవ్వడం కష్టం, కాబట్టి ఇప్పట్లో పవన్ కళ్యాణ్ గారితో సినిమా అయితే చెయ్యలేను’ అంటూ చెప్పుకొచ్చాడు సందీప్ వంగ.