Bigg Boss : ఈ సీజన్ బిగ్ బాస్ హౌస్ లో గేమ్స్ విషయం లో కంటెస్టెంట్స్ కి వణుకు పుట్టించే రేంజ్ సత్తా ఉన్న కంటెస్టెంట్ ఎవరైనా ఉన్నారా అంటే అది యావర్ అనే చెప్పాలి. హౌస్ లోకి అడుగుపెట్టిన మొదటి నాలుగు వారాల్లో ఇతని గేమ్ ని చూసి టైటిల్ కొట్టే సత్తా ఉన్నోడు అని అనుకున్నారు అందరూ.
జీరో ఫ్యాన్ బేస్ తో ఎలాంటి పీఆర్ సపోర్టు లేకుండా బిగ్ బాస్ లోకి అడుగుపెట్టిన యావర్ తన మార్కు ని ఏర్పాటు చేసుకొని లక్షలాది మంది తెలుగు ప్రేక్షకులకు ఫేవరెట్ కంటెస్టెంట్ గా మారాడు. కానీ ఎప్పుడైతే రతికా హౌస్ లోకి రీ ఎంట్రీ ఇచ్చిందో అప్పటి నుండి యావర్ గ్రాఫ్ మొత్తం పడిపోయింది. ఆమెతో ఫ్రెండ్ షిప్ మాయలో పడిపోయి, ఆమె చెప్పిన మాటలని నమ్మి అమర్ దీప్ తో గొడవలు పెట్టుకున్నాడు. ఇప్పటికీ ఆ గొడవకి ఫుల్ స్టాప్ పెట్టలేదు.
అలా దాదాపుగా డేంజర్ జోన్ లోకి వచ్చిన యావర్, ఈ వారం ‘ఏవిక్షన్ ఫ్రీ పాస్’ టాస్కులో అద్భుతంగా ఆడి, ఏకంగా నాలుగు రౌండ్లు గెలిచి విజేతగా నిలిచాడు. ఈ ‘ఏవిక్షన్ ఫ్రీ పాస్’ యొక్క ఉపయోగాలు మన అందరికీ తెలిసిందే. ఈ పాస్ ఉన్న కంటెస్టెంట్ ఆ వారం నామినేషన్ లో ఉంటే తనని తానూ సేవ్ చేసుకోవడానికి ఉపయోగించొచ్చు.
ఒకవేళ తనకి ఇష్టమైన కంటెస్టెంట్ ని సేవ్ చెయ్యాలనుకుంటే ఈ పాస్ ఉపయోగించి సేవ్ చెయ్యొచ్చు. ఆయనకీ ఇష్టమైన కంటెస్టెంట్ రతికా ఈ వారం నామినేషన్స్ లో ఉంది. యావర్ కూడా నామినేషన్స్ లో ఉన్నాడు. కానీ రతికా కంటే ముందు అతను సేవ్ అయితే, కచ్చితంగా ఆ పాస్ ని ఉపయోగించి రతికా ని సేవ్ చేస్తాడు యావర్. అదే కనుక జరిగితే రతికా మాయలో పడిన యావర్ అనే ముద్ర నుండి ఆయన బయటపడడం కష్టమే. చూడాలి మరి ఏమి జరగబోతుందో.
