Bigg Boss Telugu 7 : ఈ సీజన్ బిగ్ బాస్ ఎంత రసవత్తరంగా సాగుతూ ముందుకు దూసుకుపోతుందో మనమంతా చూస్తూనే ఉన్నాం. ప్రతీ వారం సరికొత్త టాస్కులతో కంటెస్టెంట్స్ తో పాటుగా ప్రేక్షకులు కూడా ఊహించని ట్విస్టులు ఇస్తూ ముందుకు దూసుకుపోతుంది ఈ షో. అయితే షో జరుగుతున్న మధ్యలోనే మనకి ఎవరు టాప్ 3 లో ఉండబోతున్నారు అనే విషయం అర్థం అయ్యిపోతాది. అలా ఈ సీజన్ లో కూడా టాప్ 3 ఎవరో అందరికీ అర్థం అయ్యింది.
సోషల్ మీడియా లో ఉన్న అన్ని పోల్స్ ఆధారంగా తీసుకొని చూస్తే ఈ సీజన్ టాప్ 3 కంటెస్టెంట్స్ గా శివాజీ, అమర్ దీప్ మరియు పల్లవి ప్రశాంత్ నిలవబోతున్నట్టు తెలుస్తుంది. గడిచిన కొద్దీ రోజుల నుండి అమర్ దీప్ గ్రాఫ్ అమాంతం పెరిగిపోయింది. ఇతను టైటిల్ కొట్టినా ఆశ్చర్యపోనక్కర్లేదని అంటున్నారు విశ్లేషకులు. బిగ్ బాస్ హౌస్ లోకి అడుగుపెట్టిన కొత్తల్లో కాస్త తడబడినప్పటికీ, ఆ తర్వాత మాత్రం అద్భుతంగా గేమ్ ఆడుతూ రేస్ లోకి దూసుకొచ్చాడు.
యూట్యూబ్ లో జరుగుతున్న పొలింగ్స్ ని బట్టీ చూస్తే పల్లవి ప్రశాంత్ అన్నీ పోల్స్ లోను నెంబర్ 1 స్థానంలో ఉన్నాడు . ఆ తర్వాతి స్థానాల్లో అమర్ దీప్ లేదా శివాజీ ఉన్నారు. మొన్న దీపావళి రోజు జరిగిన ఎపిసోడ్ లో కంటెస్టెంట్స్ అందరికీ సంబంధించిన కుటుంబ సభ్యులు మరియు స్నేహితులు వచ్చిన సంగతి అందరికీ తెలిసిందే.
వీళ్ళని నాగార్జున మీ దృష్టిలో టాప్ 5 ఎవరో చెప్పమని అడగగా ఎక్కువ శాతం మంది శివాజీ, అమర్ దీప్ మరియు పల్లవి ప్రశాంత్ పేర్లే చెప్పారు. స్పై బ్యాచ్ కి సంబంధించిన కొన్ని కుటుంబాలకు అమర్ దీప్ నచ్చలేదు కాబట్టి కావాలని పక్కన పెట్టారు కానీ, లేకపోతే అమర్ దీప్ కి కూడా శివాజీ రేంజ్ లో ఓట్లు వచ్చేవని విశ్లేషకుల అభిప్రాయం. ఇలా ఏ విధంగా చూసుకున్న ఈ ముగ్గురి మధ్యనే టైటిల్ పోరు ప్రధానంగా జరగబోతుంది అనే విషయం అందరికీ ఒక క్లారిటీ వచ్చేసింది.