RIP Chandra Mohan : సీనియర్ నటులు, కథనాయకుడు చంద్రమోహన్ ఈ రోజు తుదిశ్వాస విడిచారు. హైదరాబాద్ అపోలో ఆస్పత్రిలో 9.45 గంటలకు హృద్రోగంతో కన్ను మూశారు. ఆయన వయసు 82 ఏళ్లు. ఆయనకు భార్య జలంధర, ఇద్దరు కుమార్తెలు ఉన్నారు. సోమవారం హైదరాబాద్ లో అంత్యక్రియలు జరుగుతాయి.
చంద్రమోహన్ సైతం గత కొన్ని నెలలుగా వయోభారంతో బాధపడుతున్నారు. సినిమాలకు దూరంగా ఉంటూ హైదరాబాద్‌లోని ఇంట్లోనే భార్యతో ప్రశాంతమైన జీవితాన్ని గడుపుతున్నారు. హీరోగా 175 సినిమాల్లో.. మొత్తం 932 సినిమాలు చేసిన చంద్రమోహన్.. ఆయన స్వస్థలం కృష్ణాజిల్లా పామిడిముక్కల గ్రామం.. 1966లో రంగులరాత్నం మూవీతో సినీ పరిశ్రమలోకి అడుగులు వేశారు. చంద్రమోహన్ పూర్తి పేరు మల్లంపల్లి చంద్రశేఖర్‌రావు.
తెలుగు వెండితెరపై తనకంటూ ఓ ప్రత్యేక గుర్తింపు తెచ్చుకున్న నటుడు చంద్రమోహన్. కథానాయకుడిగా, సహనటుడిగా, హాస్యనటుడిగా చేయని పాత్ర లేదు. అగ్ర హీరోల ప్రశంసలు అందుకున్న అందమైన నటుడు. చంద్రమోహన్ తో మొదటి సినిమా చేస్తే స్టార్ డమ్ వస్తుందని హీరోయిన్లు నమ్ముతున్నారు. పెద్ద దర్శకులు అతన్ని ప్రేక్షకులను థియేటర్‌కి రప్పించే స్టార్‌గా చూస్తారు. ‘రంగుల రాట్నం’ సినిమాతో మొదలైన చంద్రమోహన్ సినీ కెరీర్ బిగుతుగా అల్లిన ప్యాచ్ వర్క్ లాంటిది.
వందల సినిమాల్లో నటించినా, వేల డైలాగులతో మెప్పించినా మిమిక్రీ ఆర్టిస్టులు పట్టుకోలేకపోయారు. హావభావాలను అనుకరించే ప్రయత్నం చేయలేదు. చంద్రమోహన్ అలాంటి భిన్నమైన నటుడు. వంశీ ఆర్ట్ థియేటర్స్ వారు ఆయన సినీ జీవిత విశేషాలను ‘తెలుగు సినీతార చంద్రమోహనం’ పేరుతో పుస్తకంగా తీసుకొచ్చారు. పెద్ద స్టార్ హీరోలతో సమానంగా హీరోగా ఎన్నో సినిమాల్లో నటించారు. బ్లాక్ అండ్ వైట్ సినిమా కాలం నుంచి ఇప్పటి వరకు యాక్టివ్ గా ఉన్న నటులలో చంద్రమోహన్ ఒకరు. దాదాపు 55 సంవత్సరాల పాటు నటిస్తూనే ఉన్నారు.