Emmanuel : ఈటీవీలో ప్రసారమవుతున్న జబర్దస్త్ నుంచి ఎంతోమంది కమెడియన్లకు జీవితాన్ని ఇచ్చింది. అందులో నుంచి ఇండస్ట్రీలోకి ఎంట్రీ ఇచ్చి మంచి సక్సెస్ అందుకున్నారు. ముఖ్యంగా ఈ షోలో కమెడియన్స్ వేసే పంచ్ ప్రేక్షకులను తెగ నవ్విస్తూ ఉంటాయి. అలాంటి కమెడియన్లలో ఇమ్మాన్యుయేల్ కూడా ఒకరు. తనదైన మార్క్ పంచులతో ప్రతి ఒక్కరినీ కడుపుబ్బా నవ్విస్తుంటారు. ఎలాంటి బ్యాక్ గ్రౌండ్ లేకుండా సొంతంగా టాలెంట్ తో పైకి వచ్చి తనకంటూ ఒక గుర్తింపు తెచ్చుకున్నాడు. ఎంతోమంది అభిమానులను సంపాదించుకున్న ఈ కమెడియన్ ఇటీవలే ఓ వెబ్ సిరీస్ లో నటించారు.
ఆ వెబ్ సిరీస్ పేరు ప్రేమ వాలంటీర్. అయితే ఈ సిరీస్ క్లైమాక్స్ లో ఇమ్మాన్యుయేల్ పాత్ర చనిపోయినట్లుగా కనిపిస్తుంది. కొన్ని ఊరు పేరులేని యూట్యూబ్ ఛానల్స్ ఇమ్మాన్యుయేల్ నిజంగానే చనిపోయాడంటూ థంబ్ నైల్స్ పెట్టి పలు రకాల ప్రచారం చేయడం జరుగుతోందట. అయితే ఇదంతా కేవలం వ్యూస్ కోసమే ఇలా హద్దులు దాటి ప్రచారం చేస్తున్నారని తను బాధపడుతూ ఎమోషనల్ అయ్యాడు. ఎదుటి వారి గురించి ఆలోచించకుండా ఇలా చేయడం చాలా చాలా బాధగా ఉందన్నారు.
ఇమ్మాన్యుయేల్ మరణిస్తే వర్ష ఏడుస్తున్నట్లుగా తంబ్ నేల్స్ పెట్టి ప్రచారం చేస్తున్నారని వాపోయాడు. ఈ విషయంపై ఇమ్మాన్యుయేల్ తాను బతికే ఉన్నాను బాబు.. ఇలా బతికుండగానే చంపేయకండి అంటూ ఆవేదన వ్యక్తం చేశాడు. అది కేవలం ప్రేమ వలంటీర్ అనే వెబ్ సిరీస్లో సీన్ కోసమే అంటూ ఆగ్రహం వ్యక్తం చేశారు. ఈ వెబ్ సిరీస్ లోని ఒక ఎండింగ్ వీడియోను తీసుకుని ఇలా ప్రచారం చేయడం ఎంతవరకు కరెక్ట్ అంటూ చాలా మండిపడుతున్నారు. ప్రస్తుతం ఈ వీడియో సోషల్ మీడియాలో తెగ వైరల్ అవుతోంది.
