Rajinikanth : స్టార్ హీరోల పాత సినిమాల టైటిల్స్ కొన్ని చాలా విచిత్రం గా ఉంటాయి. ఉదాహరణకి మెగా స్టార్ చిరంజీవి అప్పట్లో ‘కుక్క కాటుకి చెప్పు దెబ్బ’ వంటి టైటిల్ తో సినిమా చేసాడు. అలాగే సూపర్ స్టార్ రజినీకాంత్ కూడా అప్పట్లో ఒక విచిత్రమైన టైటిల్ తో సినిమా చేసాడు. ఆ సినిమా పేరు ‘ముసలోడికి దసరాపండగ’. సాధారణంగా ఇలాంటి పదాలను మనం ఎలాంటి సందర్భాల్లో వాడుతామో ప్రత్యేకించి చెప్పనక్కర్లేదు.
అలాంటి అర్థాలను తెచ్చే ఇలాంటి టైటిల్ తో సూపర్ స్టార్ రజినీకాంత్ ఒక సినిమా చేసాడు అంటే నమ్మశక్యంగా లేదు కదూ. కానీ ఎలాంటి బ్యాక్ గ్రౌండ్ ఇమేజి లేకుండా ఇండస్ట్రీ లోకి వచ్చిన ఒక సాధారణ వ్యక్తి ఆయన. కెరీర్ ప్రారంభ రోజుల్లో దర్శక నిర్మాతలు ఏది చెప్తే అది చెయ్యాలి. లేకపోతే మొహమాటం లేకుండా సినిమా నుండి తీసేస్తారు. అలాంటి పరిస్థితి ఉన్న రోజుల్లో రజినీకాంత్ చేసిన సినిమా ఇది.
ఈ సినిమాలో హీరోయిన్ గా విజయ శాంతి నటించింది. ఇంత పేరున్న నటీనటులు కలిసి ఇలాంటి టైటిల్ ఉన్న సినిమాలో నటించడం ఇప్పటి నెటిజెన్స్ కి ఆశ్చర్యాన్ని కలుగచేస్తుంది. మరో విశేషం ఏమిటంటే ఈ చిత్రం తమిళంలో పెద్ద హిట్ అయ్యిందట. అందుకే ఈ సినిమాని అప్పట్లో తెలుగు లో దబ్ చేసి విడుదల చేసారు. ఇక్కడ కనీస స్థాయిలో కూడా ఈ చిత్రం ఆదరణ దక్కించుకోలేకపోయింది.
కానీ తమిళం లో మాత్రం రజినీకాంత్ ని హీరో గా ఒక మెట్టు ఎక్కేలా చేసింది. అప్పట్లో కేవలం చిరంజీవి , రజినీకాంత్ వంటి హీరోలు మాత్రమే కాదు. ఎన్టీఆర్, ఏఎన్నార్ , కృష్ణ, శోభన్ బాబు వంటి స్టార్ హీరోలు కూడా ఇలాంటి విచిత్రమైన టైటిల్స్ తో చాలా సినిమాలే చేశారట. అలాంటి టైటిల్స్ ఇప్పుడు ఉన్న స్టార్ హీరోలకు పెడితే ఫ్యాన్స్ నుండి చాలా వయొలెంట్ రియాక్షన్ ఉంటుంది అని చెప్పొచ్చు.
