Trisha : సౌతిండియా స్టార్ హీరోయిన్ త్రిష గురించి ప్రత్యేకంగా చెప్పాల్సిన పని లేదు. పడి లేచే కెరటంలా కెరీర్లో ఎన్నో ఒడిదుడుకులు ఎదురైనా స్టార్ హీరోయిన్ గా మంచి గుర్తింపు తెచ్చుకుంది త్రిష. దాదాపు ఇరవై ఏళ్లుగా ఇండస్ట్రీలో రాణిస్తోన్న త్రిష ప్రస్తుతం సెకండ్ ఇన్నింగ్స్ స్టార్ట్ చేసింది. వరుస సినిమాల్లో అవకాశాలు అందిపుచ్చకుంటూ ఫుల్ బిజీ షెడ్యూల్ గడుపుతుంది. ఇటీవల మణిరత్నం డైరెక్షన్లో రూపొందిన పొన్నియన్ సెల్వన్ సినిమాతో ఆమె క్రేజ్ అమాంతం పెరిగిపోయింది. ఆ సినిమాలో అందాల తార ఐశ్వర్యారాయ్ ఉన్నప్పటికీ త్రిష అందం ముందు తను తేలిపోయింది. ఏజ్ 40కి దగ్గరపడ్డా తన అందం రోజురోజుకు పెరిగిపోతుందేమో అన్నట్లుగా ఉంది. పొన్నియన్ సెల్వన్ సినిమాలో త్రిష కుందువై పాత్రలో అద్భుతంగా కనిపించింది.
ఈ సినిమా తర్వాత దళపతి విజయ్ తో కలిసి లియోలో నటించింది. దాదాపు కొన్నేళ్ల తర్వాత ఆయనతో జత కట్టింది. దసరా సందర్భంగా రిలీజ్ అయిన ఈ సినిమా బాక్సాఫీసు వద్ద బంపర్ కలెక్షన్లు రాబట్టుతోంది. ఈ సినిమాకు త్రిష రూ.4 కోట్లకు పైగా రెమ్యూనరేషన్ అందుకుంటున్నట్లు తెలుస్తోంది. వరుసగా సెకండ్ ఇన్నింగ్స్లో నటించిన రెండు సినిమాలు హిట్ కావడంతో తన రేటు అమాంతం పెంచేసిందని టాక్. ఇకపై ఒప్పుకోబోవు కొత్త ప్రాజెక్టులకు రూ.10 కోట్లు వసూలు చేయాలని నిర్ణయించుకుందట. ప్రస్తుతం అజిత్ తో కలిసి నటిస్తున్న త్రిష పలు ప్రొడక్ట్స్ కు బ్రాండ్ అంబాసిడర్ గా వ్యవహరిస్తోంది. తద్వారా ఆమె నెలకు రూ.70 లక్షల వరకు సంపాదిస్తుంది. ప్రస్తుతం త్రిష ఏడాదికి దాదాపు రూ.10 కోట్లకు పైగా సంపాదిస్తోంది. ఈ అమ్మడికి చెన్నైలో రూ.7 కోట్లు విలువ చేసే విలాసవంతమైన భవనం ఉందట. అలాగే హైదరాబాద్‌లో రూ.6 కోట్ల విలువైన ఇల్లు.. ఇక రూ.80 లక్షల విలువైన మెర్సిడెస్ బెంజ్, రూ.75 లక్షల విలువైన బీఎండబ్ల్యూ 5 సిరీస్, రూ.60 లక్షల రేంజ్ రోవర్ కార్లు ఉన్నాయి. ఇవి కాకుండా త్రిష ఇప్పటివరకు రూ.85 కోట్ల వరకు ఆస్తులు కూడబెట్టినట్లు తెలుస్తోంది. ప్రస్తుతం ఈ వార్త సోషల్ మీడియాలో వైరల్ అవుతోంది.
