Mumaith Khan : తెలుగు సినీ ఇండస్ట్రీలో ముమైత్ ఖాన్ అంటే తెలియని వారుండరు. కొన్నాళ్ల క్రితం ఐటమ్ సాంగ్స్ కు కేరాఫ్ అడ్రస్ గా మారి తన బరువైన అందాలతో మగాళ్ల మతులు పోగొట్టింది. ముఖ్యంగా పోకిరి సినిమాలో ఇప్పటి ఇంకా నా వయసు నిండా పదహారే సాంగ్ లో తన డ్యాన్స్ తో అందరినీ ఆకట్టుకుంది. ఆ తర్వాత కొన్ని సంవత్సరాల పాటు తెలుగు ఇండస్ట్రీకి దూరంగా ఉంది. కొంత కాలం తర్వాత బిగ్ బాస్ షో ద్వారా ఎంట్రీ ఇచ్చింది. కానీ ఆ షో కూడా ఆమెకు కలిసి రాలేదు. అయితే ముమైత్ ఇలా ఇండస్ట్రీకి దూరం కావడానికి ఓ ప్రముఖ హాస్య నటుడి తమ్ముడు కారణం అన్నట్లు తెలుస్తోంది.
ముమైత్ ఖాన్ కి ఒక ఫంక్షన్ లో స్టార్ కమెడియన్ అలీ సోదరుడు ఖయ్యూం పరిచయమయ్యాడట. దీంతో ఇద్దరి అభిరుచులు కలవడంతో వీరిద్దరికీ స్నేహం కుదిరింది. ఆ తర్వాత వీరిద్దరూ చాలా రోజులపాటు డేట్ చేశారట. కొన్నాళ్లు అలా ఉండి పెళ్లి చేసుకుందామనుకుంటున్న సమయంలో వీరి వివాహానికి సైతం ఇద్దరు కుటుంబ సభ్యులు అభ్యంతరం చెప్పారట. ఆ తర్వాత వీరిద్దరి మధ్య బ్రేక్ అప్ స్టార్ట్ అయిందట. ఆ వెంటనే ఖయ్యూం వేరే అమ్మాయిని పెళ్లి చేసుకున్నాడు. అయితే ముమైత్ ఖాన్ మాత్రం ఇప్పటికి ఖయ్యూంనే మనసులో పెట్టుకుని ఒంటరిగానే జీవిస్తుంది. ఒకప్పుడు అందరూ స్టార్ హీరోలతో నటించిన ముమైత్ ఖాన్ ఆ మధ్య డ్రగ్స్ తీసుకొందనే వార్తలు కూడా వచ్చాయి. సరైన ఆధారాలు లేకపోవడంతో ఆ కేసు నుంచి బయటపడింది. అయినప్పటికీ ప్రస్తుతం ఆమెకు అవకాశాలు పెద్దగా రావడం లేదు. డ్రగ్స్ కేసుతో సంబంధం ఉన్న వారందరికీ దాదాపు అవకాశాలు చాలా వరకు తగ్గిపోయాననే చెప్పాలి.
