Bhagavanth Kesari : ‘అఖండ’ మరియు ‘వీర సింహా రెడ్డి’ వంటి సెన్సేషనల్ బ్లాక్ బస్టర్ హిట్స్ తర్వాత బాలయ్య బాబు అనిల్ రావిపూడి తో కలిసి చేసిన చిత్రం ‘భగవంత్ కేసరి’. ఈ సినిమా విజయదశమి కానుకగా అక్టోబర్ 20 వ తారీఖున ప్రపంచవ్యాప్తంగా ఘనంగా విడుదల కాబోతుంది. ఈ సందర్భంగా ఈ చిత్రానికి సంబంధించిన ప్రమోషనల్ కార్యక్రమాలు ప్రారంభం అయ్యాయి. ఇప్పటికే ఈ సినిమాకి సంబంధించిన టీజర్ విడుదల అవ్వగా దానికి ఫ్యాన్స్ మరియు ఆడియన్స్ నుండి మంచి రెస్పాన్స్ వచ్చింది.
ఓవర్సీస్ లోని నార్త్ అమెరికా లో 550 షోస్ కి గాను అడ్వాన్స్ బుకింగ్స్ కూడా ప్రారంభం అయ్యాయి. ఈ అడ్వాన్స్ బుకింగ్స్ ట్రెండ్ ప్రస్తుతానికి ఆశించిన స్థాయిలో లేవు. సినిమా విడుదలకు ఇంకా 11 రోజుల సమయం ఉన్నందున రాబొయ్యే రోజుల్లో అడ్వాన్స్ బుకింగ్స్ ఇంప్రూవ్ అయ్యే ఛాన్స్ ఉంది. ఈ సినిమా విడుదల రోజే రవితేజ ‘టైగర్ నాగేశ్వర రావు’ మరియు తమిళ సినిమా ‘లియో’ విడుదల అవ్వబోతున్నాయి.
ఇకపోతే ఈ సినిమాకి సంబంధించిన ప్రీ రిలీజ్ ఈవెంట్ ని అతి త్వరలోనే హైదరాబాద్ లో గ్రాండ్ గా నిర్వహించేందుకు ఏర్పాట్లు చేస్తున్నారు. ఈ ఈవెంట్ కి ముఖ్య అతిథి గా పవర్ స్టార్ పవన్ కళ్యాణ్ విచేస్తునట్టు టాక్ వినిపిస్తుంది. ప్రస్తుతం తెలుగు దేశం పార్టీ తో జనసేన పార్టీ దోస్తానా చేస్తున్న సంగతి మన అందరికీ తెలిసిందే. అందుకే సినిమాకి కూడా పవన్ కళ్యాణ్ తన స్నేహ హస్తం ఇస్తున్నట్టుగా వార్తలు వినిపిస్తున్నాయి.
గతం లో పవన్ కళ్యాణ్ మరియు బాలయ్య బాబు కలిసి ‘అన్ స్టాపబుల్ విత్ NBK’ ప్రోగ్రాం లో పాల్గొన్న సంగతి అందరికీ తెలిసిందే. వీళ్లిద్దరి మధ్య జరిగిన చిట్ చాట్ అప్పట్లో పెద్ద సెన్సేషన్. మాస్ ఆడియన్స్ లో విపరీతమైన ఫ్యాన్ ఫాలోయింగ్ ఉన్న ఈ ఇద్దరు హీరోలను ఒకే ఫ్రేమ్ లో చూసి అభిమానులు సంబరాలు చేసుకున్నారు. ఇప్పుడు మరోసారి అలాంటి సందర్భం రాబోతుంది.