Bigg Boss : ప్రస్తుతం స్టార్ మా ఛానల్ ప్రసారం అవుతున్న బిగ్ బాస్ సీజన్ 7 ఇప్పుడు ఇండియా లోనే అత్యధిక టీఆర్ఫీ రేటింగ్స్ ని దక్కించుకొని ముందుకు సాగుతున్న షో. నిన్న గాక మొన్ననే ప్రారంభం అయ్యినట్టు అనిపిస్తున్న ఈ బిగ్గెస్ట్ రియాలిటీ షో, అప్పుడే నాలుగు వారాలు పూర్తి చేసుకొని, 5 వ వారం లోకి అడుగుపెట్టింది. గత వారం లో ‘రతికా’ ఎలిమినేట్ అవ్వగా, మూడవ వారం లో దామిని ఎలిమినేట్ అయ్యింది. ఈమె ఎలిమినేషన్ కాస్త ప్రేక్షకులకు ఇబ్బంది కలిగించింది.
హౌస్ లో ఉన్నన్ని రోజులు ఈమె నిజాయితీగానే గేమ్ ఆడుతూ వచ్చింది, అందరితో ఒకేలాగా ప్రవర్తించింది. కానీ నామినేషన్స్ లోకి వచ్చిన మిగిలిన కంటెస్టెంట్స్ తో పోలిస్తే ఈమె పెద్దగా పాపులర్ కాకపోవడం వల్లే తొందరగా ఎలిమినేట్ అవ్వాల్సి వచ్చిందని అంటున్నారు విశ్లేషకులు. మరి వైల్డ్ కార్డు ఎంట్రీ ద్వారా అయినా హౌస్ లోకి మళ్ళీ వస్తుందో లేదో చూడాలి.
ఇకపోతే రీసెంట్ గా ఆమె ఇచ్చిన ఒక ఇంటర్వ్యూ లో బిగ్ బాస్ హౌస్ లో జరిగిన కొన్ని విషయాలను ఎవరికీ తెలియనివి పంచుకుంది. ఆమె మాట్లాడుతూ ‘నేను శాఖాహారి అయినప్పటికీ బిగ్ బాస్ హౌస్ లో చికెన్ వండాను, కానీ ఇప్పటి వరకు అది టీవీ లో టెలికాస్ట్ అవ్వలేదు. 24 * 7 హాట్ స్టార్ లైవ్ హాట్ స్టార్ లో అయినా వచ్చిందో లేదో నాకు తెలియదు. అలాగే టాస్కులో భాగంగా నేను యావర్ మీద పేడ కొట్టాను. ఆ తర్వాత నేనే అతనికి నా చేతుల మీదుగా స్నానం చేయించాను, ఇది కూడా టీవీ టెలికాస్ట్ లో చూపించలేదు. కేవలం నేను కంటెస్టెంట్స్ తో గొడవపడిన సందర్భాలే చూపించారు. అందుకు నా మీద వ్యతిరేకత వచ్చింది జనాల్లో’ అంటూ చెప్పుకొచ్చింది.
అంతే కాదు బిగ్ బాస్ హౌస్ లోకి అడుగుపెట్టిన ప్రతీ ఒక్కరు ప్రముఖ ఏజెన్సీలతో కాంట్రాక్టు కుదరించుకొని వచ్చారని, ఒక కంటెస్టెంట్ కి అయితే మూడు ఏజెన్సీలు ఓట్లు రప్పించేందుకు పని చేస్తున్నాయని. కానీ నేను మాత్రం అలాంటి ఏజెన్సీల సహాయం తీసుకోలేదు అంటూ చెప్పుకొచ్చింది దామిని.
