Bigg Boss Telugu : కోట్లాది మంది తెలుగు ప్రేక్షకులు ఎప్పుడెప్పుడా అని ఎదురుచూసిన బిగ్ బాస్ సీజన్ 7 రీసెంట్ గానే ప్రారంభమై మూడు వారాలు పూర్తి చేసుకున్న సంగతి మన అందరికీ తెలిసిందే. సీజన్ 6 పెద్దగా సక్సెస్ కాకపోవడం తో సీజన్ 7 పై బిగ్ బాస్ నిర్వాహకులకు ప్రేక్షకులను ఎలా మెప్పించాలి అనే దానిపై చాలా తీవ్రమైన ఒత్తిడి ఉండేది. దాంతో ముందు సీజన్స్ లో లాగ కాకుండా ఈసారి సరికొత్తగా ఉండేట్టుగా ‘ఉల్టా పల్టా’ కాన్సెప్ట్ ని పరిచయం చేసారు. ఇది ప్రేక్షకులకు బాగా నచ్చింది.
మొదటి రోజు నుండే బిగ్ బాస్ ఇచ్చే టాస్కులు చాలా ఆకట్టుకున్నాయి, కంటెస్టెంట్స్ కూడా చాలా చురుగ్గా ఆటలో ఇన్వాల్వ్ అయ్యారు. ఫలితంగా ఈ సీజన్ కి టీఆర్ఫీ రేటింగ్స్ అదిరిపోయాయి. ఇప్పటికి బిగ్ బాస్ హౌస్ నుండి కిరణ్ , షకీలా మరియు దామిని ఎలిమినేట్ అయిన విషయం అందరికీ తెలిసిందే.
అయితే ప్రేక్షకులు ఇప్పుడు ఎంతో ఆసక్తిగా ఎదురు చూస్తున్నది వైల్డ్ కార్డు ఎంట్రీ ద్వారా ఎవరు హౌస్ లోకి రాబోతున్నారు అని. గడిచిన రెండు సీజన్స్ లో వైల్డ్ కార్డు ఎంట్రీ లేదు , అలాగే సీక్రెట్ రూమ్ కూడా లేదు. కానీ ఈ సీజన్ ఆ రెండు ఉంటాయని విశ్వసనీయ వర్గాల నుండి అందుతున్న సమాచారం. అయితే మూడు వారాలు గడిచిపోయాయి, వైల్డ్ కార్డు ఎంట్రీ ఎప్పుడు ఉంటుంది అని ప్రేక్షకులు అనుకుంటూ ఉన్నారు.
అందుతున్న లేటెస్ట్ సమాచారం ఏమిటంటే వైల్డ్ కార్డు ఎంట్రీ కి మరో రెండు వారాలు ఆగాల్సిందేనట. అంతే కాకుండా బిగ్ బాస్ రాబొయ్యే రెండు వారాల్లో ఇచ్చే సర్ప్రైజ్ కి హౌస్ మేట్స్ ఫ్యూజులు ఎగిరిపోతాయట. వైల్డ్ కార్డు ఎంట్రీ ద్వారా ఒక కొత్త కంటెస్టెంట్, అలాగే ఎలిమినేట్ అయిన కంటెస్టెంట్స్ లో ఒకరిని ప్రేక్షకుల ఓటింగ్ ద్వారా లోపలకు పంపుతారట. అలా ఇద్దరు కంటెస్టెంట్స్ హౌస్ లోకి రెండు వారాల్లో అడుగుపెట్టబోతున్నట్టు సమాచారం.