Vaishali : ఏంటి హెడ్డింగ్ చూసి ఆశ్చర్యపోతున్నారా.. ప్రస్తుతం సినీ ప్రేక్షకుల అభిరుచులు, అభిప్రాయాలకు తగ్గట్లే దర్శకనిర్మాతలకు కొత్తదనం కోసం పాకులాడుతున్నారు. సినిమా లో కొత్తదనం ఉంటేనే తప్ప ఎంత పెద్ద స్టార్ నటించిన సినిమా అయినా ఆ వంక కూడా చూడడం లేదు. ఇక సినిమాలో దమ్ముంది అని తెలిస్తే చాలు ఎవరు నటించారో చూడకుండా సినిమాకు వెళ్లి దాన్ని బ్లాక్ బస్టర్ హిట్ చేస్తున్నారు. దీంతో కథలో కొత్తదనం, డిఫరెంట్ మేకింగ్ ఉంటే ముక్కు మొహం తెలియని క్యాస్టింగ్ ఉన్నా సినిమాకు బ్రహ్మరథం పడుతున్నారు. దీనితో చిత్రబృందం తమ ఆలోచనలకు పదును పెట్టి కొత్త కాంబోలకు శ్రీకారం చుడుతున్నారు. ఇటీవల అలా ఎవరూ ఊహించని విధంగా ఓ సినిమాలో ఏకంగా ట్రాన్స్ జెండర్ ను హీరోయిన్ గా సెలక్ట్ చేశారు. కన్నడ పరిశ్రమలో జరిగిన ఈ ఘటన దేశ వ్యాప్తంగా సంచలనం అవుతోంది. ఆ చిత్రం పేరు మిస్టర్ అండ్ మిసెస్ మన్మథ. ఈ సినిమా కోసం ఏకంగా ఆరుగురు హీరోయిన్స్ ను ఎంపిక చేశారు మూవీ టైం. వారిలో వైశాలి అనే ట్రాన్సజెండర్ ఒకరు. సినిమాల్లో హీరోయిన్ గా ఛాన్స్ కొట్టేసిన తొలి ట్రాన్సజెండర్ తాను గుర్తింపు తెచ్చుకుంది.
ఇటీవల ఆ సినిమా ట్రైలర్ లాంచ్ అయింది, ఈ కార్యక్రమానికి హాజరైన వైశాలి కొన్ని ఆసక్తికర వ్యాఖ్యలు చేసింది. ‘మేము మనుషులమే. మాకూ ఒక జీవితం అనేది ఉంటుంది.. అసలు మేం ఎందుకు అడుక్కోవాలి. అందరి లాగానే మాకూ సినిమాల్లో హీరోయిన్ గా నటించాలన్న కలలు ఉండవా.. అందుకే అది నెరవేర్చుకునేందుకు ప్రయత్నించాను. మిస్టర్ అండ్ మిసెస్ మన్మథ సినిమాలో ఛాన్స్ వచ్చిందని చెప్పింది. అదే కాకుండా మమ్మల్ని ప్రజలు చూసే తీరు మారాలి. బస్సు లో కూడా మా పక్కన కూర్చోవడానికి చాలామంది ఆలోచిస్తారు. ఇలాంటి పరిస్థితులు మారాలి. నేను గోవా లో ఓ క్లబ్ డ్యాన్సర్ గా పనిచేసే దాన్ని. అక్కడ చేస్తూ సినిమాల్లో ట్రై చేశాను. ఈ సినిమాలో ఛాన్స్ రావడంతో జాబ్ వదిలి ఇక్కడకు వచ్చానని చెప్పుకొచ్చింది. మిస్టర్ అండ్ మిసెస్ మన్మథ సినిమా వచ్చే నెల 6 న విడుదల కాబోతుంది.