కొంతమంది హీరోయిన్లు చేసింది ఒకటి రెండు సినిమాలే అయినా ప్రేక్షకుల్లో ఎప్పటికీ మర్చిపోలేని చెరగని ముద్ర వేస్తారు. వాళ్ళు ఇండస్ట్రీ కి దూరమై చాలా కాలం అయినా, మన మనస్సు నుండి మాత్రం దూరం కాలేదు. అలాంటి హీరోయిన్స్ లో ఒకరు గ్రేసీ సింగ్. ఈమె అక్కినేని నాగార్జున హీరో గా నటించిన ‘సంతోషం’ అనే చిత్రం ద్వారా మన టాలీవుడ్ ఇండస్ట్రీ కి పరిచయం అయ్యింది.
ఈ సినిమా చూడగానే ఎవరీ అమ్మాయి, ఇంత చక్కగా ఉంది, మన ఇంట్లో అమ్మాయి లాగానే ఉందే అని ప్రతీ ఒక్కరికి అనిపించింది. ఈ సినిమాకి ముందు ఆమె బాలీవుడ్ లో మూడు సినిమాలు చేసింది. అందులో అమీర్ ఖాన్ తో చేసిన ‘లగాన్’ చిత్రం ఎంత పెద్ద సెన్సేషనల్ బ్లాక్ బస్టర్ హిట్ అయ్యిందో మన అందరికీ తెలిసిందే. ఈ చిత్రం ఆరోజుల్లోనే ఆస్కార్ అవార్డ్స్ కి నామినేట్ అయ్యింది.
అలా ఆమె కెరీర్ లో ఎక్కువగా బాలీవుడ్ లోనే సినిమాలు చేసింది. తెలుగు లో సంతోషం సినిమా తర్వాత ఈమె మోహన్ బాబు, శ్రీకాంత్ కాంబినేషన్ లో వచ్చిన ‘తప్పు చేసి పప్పు కూడు’ అనే చిత్రం లో హీరోయిన్ గా నటించింది. ఆ తర్వాత కొన్నాళ్ళకు ఈమె ‘రామ రామ కృష్ణ కృష్ణ’ సినిమాలో గెస్ట్ రోల్ ద్వారా కనిపించింది. అదే సంవత్సరం లో రామ్ దేవ్ అనే చిత్రం లో ముఖ్య పాత్ర పోషించింది. ఈమె నటించిన బాలీవుడ్ సినిమాలలో అధిక శాతం సూపర్ హిట్ సాధించిన సినిమాలే అవ్వడం విశేషం.
2015 వ సంవత్సరం వరకు సినిమాలు చేస్తూ వచ్చిన ఈమె, ఆ తర్వాత వెండితెర కి దూరం అయ్యింది. కానీ ‘జీ’ టెలివిజన్ ఛానల్ లో వచ్చే ‘సంతోషి మా’ అనే సీరియల్ లో సంతోషి మాత కి నటించింది. 2021 వ సంవత్సరం వరకు ఈ సీరియల్ కొనసాగింది. ఆ తర్వాత మళ్ళీ మాయం అయ్యింది, 43 ఏళ్ళ వయస్సు ఉన్న గ్రేసీ సింగ్ ఇప్పటి వరకు పెళ్లి చేసుకోలేదు. ఆమెకి సంబంధించిన కొన్ని లేటెస్ట్ ఫోటోలు మీ కోసం క్రింద అందిస్తున్నాము చూడండి .
