భారీ అంచనా నడుమ రీసెంట్ గానే మొదలైన బిగ్ బాస్ సీజన్ 7 మొదటి ఎపిసోడ్ నుండి ఎంత ఆసక్తికరంగా సాగుతూ ముందుకు దూసుకుపోతుందో మన అందరికీ తెలిసిందే. ఈ సీజన్ లో పాల్గొన్న కంటెస్టెంట్స్ కూడా మంచి కంటెంట్ ని ఇస్తున్నారు. సీజన్ 6 పెద్దగా హిట్ కాకపోవడం తో ఈసారి సీజన్ సరికొత్త ఫ్రెష్ ఫీలింగ్ ఉండేట్టు ప్లాన్ చేసింది బిగ్ బాస్ టీం. అందుకు తగ్గట్టుగానే కొత్త రకమైన టాస్కులను పెడుతూ, కంటెస్టెంట్స్ నుండి అద్భుతమైన కంటెంట్ ని తీసుకుంటున్నాడు.
టీఆర్ఫీ రేటింగ్స్ కూడా గత సీజన్ తో పోలిస్తే రెండింతలు ఎక్కువ ఉన్నాయి. ఇక ఈ సీజన్ పవర్ అస్త్ర ఎంత ముఖ్యమో నాగార్జున మొదటి ఎపిసోడ్ నుండే చెప్తూ వచ్చాడు. ఆ పవర్ అస్త్ర కి ఉన్న పవర్ ఏంటో మొన్న సందీప్ గెలుచుకుంటే కానీ అర్థం కాలేదు. ఈ పవర్ అస్త్ర టాస్కులో ఆయన గెలిచి 5 వారాలు నామినేషన్స్ నుండి తప్పించుకొనే ఇమ్మ్యూనిటీ ని సంపాదించాడు.
ఈ పవర్ అస్త్ర ని ఆడి గెలుచుకోవాలి , అంతే కానీ దొంగిలించడం సరికాదు. అది రూల్స్ కి పూర్తిగా విరుద్ధం, కానీ శుభ శ్రీ ఆ పవర్ అస్త్ర ని నేడు సందీప్ కి తెలియకుండా దొంగతనం చేసి తీసుకెళ్ళిపోయింది. అసలు ఆ పవర్ అస్త్ర ని దొంగతనం చెయ్యడం వల్ల శుభ శ్రీ కి ఎలాంటి ఉపయోగం లేదు. ఎందుకు అలాంటి పని చేసిందో ఇప్పటికీ ఎవరికీ అంతు చిక్కడం లేదు.
అది దొంగలించినందుకు ఈ వీకెండ్ లో నాగార్జున నుండి శుభ శ్రీ కి ఫుల్ కోటింగ్ తప్పేటట్టు లేదు. అంతే కాదు, కఠినమైన శిక్ష కూడా పడబోతోంది అట, అది వరుసగా 5 వారాలు నేరుగా నామినేషన్స్ కి పంపడం కావొచ్చు, లేదా డైరెక్ట్ గా ఎలిమినేషన్ కూడా కావొచ్చు అని అంటున్నారు. మరి ఇందులో ఎంత మాత్రం నిజం ఉందో చూడాలి.