పుష్ప సినిమా ఎంతటి ఘన విజయం సాధించిందో ప్రత్యేకంగా చెప్పాల్సిన పనిలేదు. ఈ సినిమాతో అల్లు అర్జున్, రష్మిక పాన్ ఇండియా యాక్టర్స్ అయిపోయారు. దానికి సీక్వెల్ గా రాబోతున్న పుష్ప 2 సినిమా కోసం దేశమంతా ఎంతో ఆతృతగా ఎదురు చూస్తోంది. లెక్కల మాస్టార్ సుకుమార్ తన లెక్క తప్పకుండా ఉండేందుకు ఆచీ తూచీ ఆలోచించి సినిమాను తెరకెక్కిస్తున్నారు. దాదాపు భారీ బడ్జెట్ తో ఏ మాత్రం రాజీ పడకుండా సినిమా తీస్తున్నారు. ఈ సినిమాలో అప్పటివరకు ఫుల్ టు ఫుల్ క్లాస్.. రొమాంటిక్ లుక్స్ లో కనిపించిన స్టైలిష్ స్టార్ అల్లు అర్జున్ మాస్ లుక్ లో కనిపించబోతున్నాడు. కాగా పుష్ప సినిమా రిలీజ్ అయిన తర్వాత అందులో నటించిన అల్లు అర్జున్ కు జాతీయ ఉత్తమ నటుడు అవార్డ్ కూడా తెచ్చిపెట్టింది. దీంతో పుష్ప2 పై భారీ అంచనాలను అమాంతం పెంచేసుకున్నారు ఆయన అభిమానులు. ఇలాంటి క్రమంలోనే సుకుమార్ పుష్ప2 సినిమా రిలీజ్ డేట్ అధికారికంగా ప్రకటించారు.
అల్లు అర్జున్ సుకుమార్ కాంబోలో రాబోతున్న పుష్ప2 సినిమా వచ్చే ఏడాది ఆగస్టు 15 స్వాతంత్ర్య దినోత్సవం సందర్భంగా గ్రాండ్ గా థియేటర్స్ లో పాన్ ఇండియా లెవల్లో గ్లోబల్ స్థాయిలో హిట్ కొట్టడానికి రెడీ అయిపోయిందంటూ అధికారికంగా ప్రకటించింది చిత్ర బృందం. దీంతో అల్లు అర్జున్ అభిమానులు ఫుల్ ఖుషీతో సంబరాలు చేసుకుంటున్నారు. ఈసారి మన పుష్ప గాడు థియేటర్స్ ని బ్లాస్ట్ చేసేస్తాడు తన పెర్ఫార్మెన్స్ తో అంటూ.. ఓ రేంజ్ లో ఈ న్యూస్ ని ట్రెండ్ చేస్తున్నారు. అంతేకాదు కొంతమంది పుష్ప గాడు వచ్చేస్తున్నాడురోయ్.. నీ యవ్వ ఇక తగ్గేదేలే అంటూ సినిమా డైలాగ్స్ ని తెగ వైరల్ చేస్తున్నారు. మొత్తానికి మన పుష్ప గాడు చాలా స్పెషల్ డే నే రాబోతున్నాడు. చూద్దాం ఈ సినిమాతో బన్నీ ఎలాంటి హిట్ అందుకుంటాడో..!
