దర్శకుడు అశోక్ కుమార్ డైరెక్షన్లో తెరకెక్కినటువంటి సరికొత్త చిత్రం మహానటి.ఏబీఆర్ ప్రొడక్షన్స్ అండ్ ఏబీఆర్ ఎంటర్టైన్మెంట్స్ బ్యానర్స్ పై అనిల్ బోధిరెడ్డి, డాక్టర్ తిరుపతి ఆర్ యర్రంరెడ్డి సంయుక్తంగా నిర్మిస్తున్న ఈ చిత్రం మరొక జాతిరత్నం రేంజ్ హిట్ అవుతుందని అంచనా.ఈ మూవీ లో అభినవ్ మణికంఠ, గోల్డీ నిస్సీ, మ్యాడీ వీజే, పవన్ రమేష్, భరత్ రెడ్డి కీలక పాత్రలు పోషించారు.
జాతి రత్నాలు మూవీ ఏ రేంజ్ కామెడీ ఎంటర్టైనర్ గా నిలిచిందో ప్రత్యేకంగా గుర్తు చేయక్కర్లేదు. మన జాతి రత్నాలు…అనే సాంగ్.. నువ్వు నాకు కేక్ పెట్టలేదు ..అనే స్టేట్మెంట్…ఇలా ఏ ఒక్కటి గుర్తు చేసిన మొత్తం సినిమా గుర్తు వచ్చేటటువంటి కథనంతో సాగిన ఎక్స్లెంట్ మూవీ జాతి రత్నాలు. మరి ఇదే హిలేరియస్ ఎంటర్టైనర్ తరహాలో రూపొందినటువంటి మహానటులు చిత్రం ఏ రేంజ్ సక్సెస్ సాధిస్తుందో చూడాలి మరి.
మహానటులు మూవీ ఈనెల 25వ తారీఖున గ్రాండ్ గా విడుదల కావడానికి సిద్ధంగా ఉంది. మూవీ ప్రమోషన్ లో భాగంగా ఈ చిత్రం గురించి డైరెక్టర్ అశోక్ కుమార్ తన అభిప్రాయం వెల్లడించారు.”ఇప్పటివరకు నేను ఎన్నో డిఫరెంట్ మూవీస్ చేశాను కానీ ఇలాంటి కామెడీ జానర్ టచ్ చేయలేదు. మొదటిసారి చేసిన ప్రయత్నం అయినప్పటికీ ఈ మూవీలో ఫన్ మరియు హిలేరియస్ ఎంటర్టైన్మెంట్ సమపాళ్లల్లో ఉంటుంది.”అని అన్నారు.
అంతేకాదు మూవీ చూస్తున్నప్పుడు ఏదో తెలియని కథ గురించి చూస్తున్న అభిప్రాయం కలగదట. మన చుట్టూ ఉన్న నాలుగు క్యారెక్టర్స్ మధ్య జరిగే ఓ కథ లాగానే అనిపిస్తుంది. ఒక నలుగురు టీం గా ఏర్పడి ప్రస్తుతం బాగా సంపాదించడానికి మీడియంగా పనికొస్తున్న యూట్యూబ్లో ఛానల్ ని డెవలప్ చేస్తారు. ఇక ఆ ఛానల్ ఎలా డెవలప్ అయ్యింది దానివల్ల వాళ్ళు ఏదన్నా చిక్కుల్లో ఇరుక్కున్నారా అనే కాన్సెప్ట్ చుట్టూ కథ తిరుగుతుంది.
యూట్యూబర్లు వారి సంపాదన సోషల్ మీడియాలో ట్రెండింగ్ గా ఉన్న కాన్సెప్ట్ కావడం, యూత్ ఫుల్ మరియు ఫన్ మూవీ కావడంతో ఈ చిత్రం మంచి సక్సెస్ సాధించే అవకాశం ఉందని డైరెక్టర్ గట్టిగా నమ్ముతున్నాడు. మరి రిజల్ట్ ఎలా ఉంటుందో 25 మూవీ రిలీజ్ అయ్యాక పెట్టే తెలిసిపోతుంది..