పవన్ క‌ళ్యాణ్ హ‌రిహ‌ర‌వీర‌మ‌ల్లు ప్రారంభమై మూడేళ్లు దాటిపోయింది. ఇప్ప‌టివ‌ర‌కు ఈ సినిమా షూటింగ్ కంప్లీట్ కాలేదు. అస‌లు ఈ సినిమా ప్రేక్ష‌కుల ముందుకు వ‌స్తుందా? లేదా? అన్న‌ది ఆస‌క్తిక‌రంగా మారింది. హ‌రిహ‌ర‌వీర‌మ‌ల్లు త‌ర్వాత మొద‌లైన బ్రో రిలీజ్ అయ్యింది. ఓజీ షూటింగ్ తుది ద‌శ‌కు చేరింది. కానీ హ‌రిహ‌ర‌వీర‌మ‌ల్లుపై ఎలాంటి అప్‌డేట్ రావ‌డం లేదు. ఈ సినిమా ఆగిపోయిన‌ట్లుగా కొన్నాళ్లుగా ప్ర‌చారం జ‌రుగుతోంది.
ప్ర‌త్య‌క్ష రాజ‌కీయాల‌తో పవన్ క‌ళ్యాణ్ బిజీగా మారిన పవన్ క‌ళ్యాణ్ హ‌రిహ‌ర‌వీర‌మ‌ల్లును ప‌క్క‌న‌పెట్టిన‌ట్లు వార్త‌లు వినిపిస్తోన్నాయి. ఈ పుకార్ల‌పై నిర్మాత ఏఎమ్ ర‌త్నం క్లారిటీ ఇచ్చారు. పవన్ క‌ళ్యాణ్ షెడ్యూల్స్‌ను అనుస‌రించి డిసెంబ‌ర్ లోగా ఈ సినిమా షూటింగ్‌ను పూర్తిచేసే ప్ర‌య‌త్నాల్లో ఉన్నామ‌ని తెలిపాడు. మార్చి నెలాఖ‌రు లేదా ఏప్రిల్ ఫ‌స్ట్ వీక్‌లో హ‌రిహ‌ర‌వీర‌మ‌ల్లును రిలీజ్ చేసేందుకు ప్ర‌య‌త్నాలు చేస్తున్నామ‌ని చెప్పాడు.
ఎన్నిక‌ల ముందే ఈ సినిమాను ప్రేక్ష‌కుల ముందుకు తీసుకొస్తామ‌ని అన్నాడు. ఇప్ప‌టివ‌ర‌కు అర‌వై శాతం షూటింగ్ పూర్త‌యినంద‌ని ఏఎమ్ ర‌త్నం తెలిపాడు. ఈ సినిమాలో పవన్ డ్యూయ‌ల్ రోల్‌లో క‌నిపిస్తున్నాడ‌ని వినిపిస్తోన్న వార్త‌ల్లో నిజం లేద‌ని ఏఎమ్‌ర‌త్నం క్లారిటీ ఇచ్చాడు సింగిల్ క్యారెక్ట‌ర్‌లోనే పవన్ క‌ళ్యాణ్ క‌నిస్తాడ‌ని అన్నాడు. సౌత్ ఆడియెన్స్ కంటే నార్త్ ఆడియెన్స్‌కు ఎక్కువ‌గా క‌నెక్ట్ అయ్యే అంశాలు హ‌రిహ‌ర‌వీర‌మ‌ల్లులో ఎక్కువ‌గా ఉన్నాయ‌ని ఏఎమ్‌ర‌త్నం చెప్పాడు. ఇందులో రాబిన్‌హుడ్ త‌ర‌హా పాత్ర‌లో పవన్ క‌ళ్యాణ్ క‌నిపిస్తాడ‌ని తెలిపాడు. తన ల‌క్ష్యం కోసం హీరో ఢిల్లీకి ఎందుకు వెళ్లాడు.