కొందరు హీరోయిన్లు ఎప్పటికీ యూత్లో క్రేజ్ కలిగి ఉంటారు. సీనియర్ నటి రంభ అటువంటి స్టార్.దివ్యభారతి ఆకస్మిక మరణంతో తొలిముద్దు అనే చిత్రంలో మిగిలిపోయిన ఆమె పాత్ర పోషించడానికి రంభను సెలెక్ట్ చేశారు. ఆ తర్వాత ఈవీవీ సత్యనారాయణ తెరకెక్కించిన ఆ ఒక్కటి అడక్కు చిత్రం ద్వారా రంభ హీరోయిన్ గా తెలుగు తెరకు పరిచయం అయ్యింది.అందం, అంతకుమించి అభినయం రెండు ఉండడంతో వరుసగా టాలీవుడ్ లో అవకాశాలు సంపాదించి స్టార్ హీరోయిన్ రేంజ్ కు ఎదిగింది.
తెలుగు, తమిళ్ హిందీ మరియు మలయాళం భాషలలో పలు చిత్రాలు చేయడమే కాకుండా అప్పట్లో అందరి స్టార్ హీరోల సరసన రంభ నటించింది. ఒక తెలుగు అమ్మాయి ఈ రేంజ్ హీరోయిన్ క్యాటగిరీకి ఎదగడం అదే మొదటిసారి.బాలీవుడ్ స్టార్స్ డామినేషన్ ఉన్న ఆ టైంలో కూడా రంభ తన టాలెంట్ తో ప్రత్యేకమైన స్థానాన్ని తెచ్చుకుంది.
అయితే ఈ విషయం మింగుడు పడని చాలామంది హీరోయిన్స్ ఆమెపై పలు రకాల దుష్ప్రచారాలు చేశారు. ఈ విషయాన్ని స్వయంగా రంభ ఒక ఇంటర్వ్యూలో చెప్పింది. టాలీవుడ్ లోనే కాక బాలీవుడ్ లో కూడా రంభకు ఛాన్సెస్ బాగానే వచ్చాయి. సల్మాన్ ఖాన్ ,షారుక్ ఖాన్ ,అనిల్ కపూర్ వంటి టాప్ హీరోలతో రంభ సినిమాలు చేసింది.
అలాగే భోజపురి లో కూడా రంభ ఎన్నో చిత్రాల్లో నటించింది. భోజపురి లో పెద్ద సూపర్ స్టార్ రవి కిషన్. రేస్ గుర్రం మూవీ లో విలన్ గా చేసింది అతనే. అతనితో రంభ చాలా చిత్రాలు చేసింది. దీంతో రంభ అంటే సరిపడని ఇద్దరు హీరోయిన్స్ పని కట్టుకొని రవి కిషన్ తో ఆమెకు అఫైర్ ఉన్నట్లు.. లవ్ ఫెయిల్ కావడంతో రంభ సూసైడ్ అటెంప్ట్ చేసినట్లు పుకార్లు పుట్టించారు.ఈ విషయంపై స్పందించిన రంభ అవి కేవలం పుకార్లు మాత్రమే అని తేల్చి చెప్పింది.
రవి కిషన్ తనకు పెద్ద అన్నయ్యతో సమానమని అలాంటి మనిషితో తనకు లింకు కట్టడం చాలా బాధాకరమని పేర్కొంది. కేవలం ఇలాంటి రూమర్స్ ఎక్కువ కావడంతో రంభ సినిమాల నుంచి తప్పుకుందట. అప్పట్లో రవికిషన్ తో ప్రేమాయణం నడిపిన ప్రముఖ హీరోయిన్ నగ్మా కావాలని ఈ పుకారు పుట్టించింది అనే రూమర్ ఇండస్ట్రీలో ఉంది.