Jailar Trailer Review : నటిస్తున్న ‘జైలర్’ చిత్రం కోసం సినీ ప్రేక్షకులు చాలా ఆసక్తిగా ఎదురుచూస్తున్నారు. ఇప్పటి వరకు వచ్చిన సాంగ్స్, టీజర్‌తో ఈ చిత్రంపై అంచనాలు భారీగా పెరిగాయి. పవర్ ఫుల్ యాక్షన్ మూవీగా ఈ జైలర్ మూవీ వస్తోంది. దీంతో నెల్సన్ దిలీప్ కుమార్ దర్శకత్వం వహిస్తున్న ఈ చిత్రంపై రజినీ అభిమానులు భారీ అంచనాలు పెట్టుకున్నారు. ఈ తరుణంలో జైలర్ సినిమా ట్రైలర్ రిలీజ్ అయింది. జైలర్ షోకేస్ పేరుతో తమిళంతో పాటు తెలుగులోనూ ఈ ట్రైలర్ రిలీజ్ అయింది.
రజినీకాంత్ ఒక సాధారణ ఫ్యామిలీ మ్యాన్ జీవితాన్ని గడుతుంటాడు. తనలోని యాక్షన్ వ్యక్తిని ఇంటిలో వాళ్ళకి కూడా చూపించకుండా చాలా సైలెంట్ గా ఉన్న హీరో లైఫ్ లోకి విలన్ ఎంట్రీ ఇస్తే.. ఆ తరువాత కుటుంబం కోసం ఆ ఫ్యామిలీ మ్యాన్ జరిపే యుద్ధమే జైలర్ కథ అని తెలుస్తుంది. కత్తులు, గన్నులు… ఒక్కటేమిటి? ఆయన విధ్వంసానికి అన్నీ ఉపయోగపడ్డాయి. ‘ఒక దశ తర్వాత నేను మాట్లాడను. కొడతాను’ అని చెప్పే డైలాగ్ హైలైట్. మాస్ అండ్ హీరోయిజం రెండిటినీ చాలా చక్కగా చూపించారు దర్శకుడు నెల్సన్ దిలీప్ కుమార్. ఒక్క మాటలో చెప్పాలంటే ఇందులో రజినీకాంత్ స్టైల్, స్వాగ్ అదిరిపోయేలా ఉన్నాయి. అయితే ట్రైలర్ లో తమన్నా కనిపించకపోవడం ఒకింత నిరాఅ కలిగించింది.
ఈ మూవీలో రజినీకి భార్యగా రమ్యకృష్ణ నటిస్తుంది. జాకీ ష్రాఫ్ విలన్ గా కనిపించబోతున్నాడు. ట్రైలర్ అయితే యాక్షన్ పార్ట్ తో ఆకట్టుకునేలా ఉంది. కాగా ఈ మూవీ ఆగస్టు 10న థియేటర్లలో రిలీజ్ కానుంది. బీస్ట్ ఫేమ్ నెల్సన్ దిలీప్ కుమార్ దర్శకత్వంలో ఈ మూవీ తెరకెక్కుతోంది.యాక్షన్ ఎంటర్‌టైనర్‌గా రూపుదిద్దుకుంటున్న ఈ సినిమాని సన్ పిక్చర్స్ చాలా భారీగా నిర్మిస్తోంది. మిల్కీ బ్యూటీ తమన్నా హీరోయిన్‌ గా నటిస్తున్న ఈ మూవీలో కన్నడ స్టార్ హీరో శివరాజ్ కుమార్ , మలయాళ సూపర్ స్టార్ మోహన్ లాల్ , నాగబాబు, సునీల్, జాకీ ష్రాఫ్, రమ్య కృష్ణ వంటి నటీ నటులు కీలక పాత్రల్లో నటిస్తున్నారు.