Anasuya : తెలుగు రాష్ట్రాల్లో యాంకర్ గా అనసూయ భరద్వాజ్ మంచి ఫాలోయింగ్ పెంచుకుంది. అయితే అనసూయ యాంకర్ గా మారకముందు కొన్ని సినిమాల్లో నటించింది. కానీ చేసినవి చిత్రపాత్రలు కాబట్టి జనాలు ఎక్కువగా గుర్తు పట్టలేదు. ఎన్టీఆర్ నాగ చిత్రంలో కూడా అనసూయ ఓ చిత్ర పాత్రలో కనిపించింది. ఆ తర్వాత పలు సినిమాల్లో మెరిసి… మూవీస్ కు బ్రేక్ ఇచ్చింది. ఇక ఆ తర్వాత అనసూయ యాంకర్ గా న్యూస్ ఛానెల్స్ లో చేరింది. కొంత కాలం పాటు న్యూస్ ఛానెళ్లలో చేసిన అనసూయ.. ఆ తర్వాత ఎంటర్టైన్ మెంట్ ఛానెళ్ల బాట పట్టింది. ముఖ్యంగా జబర్ధస్త్ ప్రోగ్రామ్ ద్వారా.. ఆమెకు ఎక్కువగా గుర్తింపు వచ్చింది.
ఈ షోలో అద్భుతంగా యాంకరింగ్ చేసి అందరి దృష్టిలో పడింది. ఇక అనసూయ ఒక్కసారిగా ఫేమస్ అయిపోయింది. అప్పటి నుంచి వరుసగా షోలు మీద షోలు చేసుకుంటూ స్టార్‌ యాంకర్‌గా పేరు తెచ్చుకుంది. ఇక ఇలా షోలు చేస్తూనే.. సినిమాల వైపు మళ్లీంది. నాగార్జున డ్యూయల్ రోల్ లో నటించిన సోగ్గాడే చిన్ని నాయనతో సినిమాతో సినిమాల్లోకి రీ ఎంట్రీ ఇచ్చింది. ఈ సినిమాలో ఆమె చిన్న పాత్రతో పాటు.. ఓ స్పెషల్ సాంగ్ కూడా చేసింది. ఇక ఆ తర్వాత ఆమెకు వరుసగా సినిమా ఛాన్స్ లు వచ్చాయి.ఇటీవల రంగమార్తాండ, విమానం సినిమాల్లోని అనసూయ నటనకు మంచి మార్కులు పడ్డాయి. అయితే ప్రస్తుతం అనసూయ వెకెషన్ లో ఉన్న సంగతి తెలిసిందే. అక్కడి ఫోటోలను షేర్ చేస్తూ.. నెటిజన్స్ ను అలరిస్తుంది.
తాజాగా అమెరికాలోని కాలిఫోర్నియాలో భర్తతో అనసూయ ఇలా రొమాన్స్ చేస్తూ ఫొటో దిగింది. ప్రస్తుతం ఆమె యూఎస్ఏలో ఫ్యామిలీ వెకేషన్ ఎంజాయ్ చేస్తోంది. ఇలా ఓ పెద్ద ఐస్‌క్రీమ్ తింటూ అనసూయ కెమెరాకు పోజులిచ్చింది. ఇంటికి దూరంగా ఉన్నా.. ఇలా ఫ్యామిలీతో గడపడం కంటే ఆనందం మరొకటి ఉండదు అంటూ ఇన్‌స్టాగ్రామ్ లో ఈ ఫొటోలను అనసూయ షేర్ చేసుకుంది. కొన్ని రోజులుగా అనసూయ అమెరికా టూర్లోనే ఉంది. అక్కడి రాష్ట్రాలన్ని తిరిగేస్తూ ఫొటోలను ఇన్‌స్టాలో పోస్ట్ చేస్తోంది. అనసూయ ఈ ఫొటోలను షేర్ చేసిన నిమిషాల్లో వేల కొద్దీ లైక్స్, కామెంట్స్ వచ్చాయి. బ్యూటీఫుల్ ఫ్యామిలీ అంటూ అభిమానులు హార్ట్ ఎమోజీలతో కామెంట్స్ చేశారు.