శ్రీలీల తెలుగులో మోస్ట్ వాంటెడ్ హీరోయిన్ అయిపోయింది. ప్రస్తుతం చేస్తున్న చిత్రాల సంఖ్యను ఒకసారి చూస్తే.. శ్రీలీల తెలుగు చిత్ర పరిశ్రమను ఎలా శాసిస్తుందో తెలుస్తుంది. మహేష్ బాబు – త్రివిక్రమ్ సినిమా, పవన్ కళ్యాణ్- హరీష్ శంకర్ ల ‘ఉస్తాద్ భగత్ సింగ్‌లతో పాటు బాలయ్య భగవంత్ కేసరిలో కూడా నటిస్తోన్న సంగతి తెలిసిందే. ఇందులో ఆమె బాలకృష్ణ కుమార్తెగా నటిస్తోంది. శ్రీలీల ఇప్పటికే గుంటూరు కారం సినిమాలో మేయిన్ హీరోయిన్‌గా చేస్తోన్న సంగతి తెలిసిందే.
పూజా హెగ్డే స్థానంలో శ్రీలీలను హీరోయిన్‌గా తీసుకుంది టీమం. ఇక లేటెస్ట్‌గా మరో స్టార్ హీరోయిన్ స్థానంలో ఆమెను తీసుకుంటున్నట్లు ఓ వార్త వైరల్‌గా మారింది. తాజాగా నటి రష్మిక మందన్న స్థానంలో శ్రీలీల వచ్చి చేరిందని తెలుస్తోంది. భీష్మ తర్వాత నితిన్‌తో ఓ సినిమా చేస్తోంది రష్మిక మందన్న. ఈ సినిమాకు వెంకీ కుడుముల దర్శకుడు. అయితే కొన్ని పరిణామాల కారణంగా రష్మిక స్థానంలో శ్రీలీలాను తీసుకోవాలని నిర్మాతలు నిర్ణయించుకున్నట్లు లేటెస్ట్ టాక్. దీనికి కారణం కూడా ఉందంటున్నారు. రష్మిక మందన్న ప్రస్తుతం ఎక్కువగా హిందీ చిత్రాలకు సైన్ చేస్తూ తన అక్కడే కెరీర్‌పై దృష్టి పెడుతోందట.
ఇక మరోవైపు తెలుగు యువతలో రష్మిక కంటే శ్రీలీలకే ఎక్కువ ఆదరణ ఉన్న నేపథ్యంలో హీరోయిన్‌ను మార్చాలని నిర్మాతలు నిర్ణయించుకున్నారని తెలుస్తోంది. అది అలా ఉంటే శ్రీలీలకు ఓ బంపర్ ఆఫర్ వచ్చినట్లు తెలుస్తోంది. ఇప్పటికే తెలుగులో శ్రీలీల ఓ పది సినిమాల్లో హీరోయిన్‌గా చేస్తోంది. కాగా ఈ భామకు అల్లు అర్జున్ సినిమాలో నటించే మరో క్రేజీ ఆఫర్ వచ్చినట్లు తెలుస్తోంది. అల్లు అర్జున్ ప్రస్తుతం సుకుమార్ దర్శకత్వంలో పుష్ప2 అనే సినిమా చేస్తోన్న సంగతి తెలిసిందే. ఈ సినిమా ప్రస్తుతం షూటింగ్‌ను జరుపుకుంటోంది. అయితే తెలుస్తోన్న సమాచారం మేరకు ఈ సినిమాలో ఐటెమ్ సాంగ్‌లో నటించేందుకు శ్రీలీలను పుష్ప2 టీమ్ అడిగారట. అయితే శ్రీలీల మాత్రం ఆ ఆఫర్’ను తిరస్కరించిందట. తనకు ఇప్పుడే ఐటెమ్ సాంగ్స్‌లో నటించాలని లేదని.. సున్నితంగా నో చెప్పిందట. దీనికి సంబంధించిన ఓ వార్త ప్రస్తుతం సోషల్ మీడియాలో వైరల్‌గా మారింది.