Bigg Boss 7 Telugu : ‘బిగ్ బాస్’.. ప్రపంచ వ్యాప్తంగా ఎంతో మంది ప్రేక్షకులను అలరించి, అభిమానులను సంపాదించుకున్న అతిపెద్ద రియాలిటీ షో. ఇందులో అప్పటి వరకు తమకు అస్సలు పరిచయం లేని వారిని తీసుకొచ్చి చూపించినా ఆసక్తిగా చూస్తారు ప్రేక్షకులు. అంతగా జనాలను అకట్టుకుంది ‘బిగ్ బాస్’. కంటెస్టెంట్లను సెలబ్రిటీలుగా మార్చే మ్యాజిక్ ఈ షోలో జరుగుతుంది. ఇతర భాషల్లానే తెలుగులోనూ ‘బిగ్ బాస్’ విపరీతమైన ఆదరణ దక్కించుకుంది. ఇప్పటికి విజయవంతంగా 6 సీజన్లు పూర్తయ్యాయి. త్వరలో ‘బిగ్ బాస్ సీజన్ 7 తెలుగు’ ప్రారంభం అవుతుందంటూ ఇటీవల చిన్న ప్రోమో రిలీజ్ చేశారు. అంతే, ఇక సోషల్ మీడియాలో పెద్ద ఎత్తున చర్చ మొదలైయింది.
ఈసారి ఎంత మంది షోలో పాల్గొంటారు?, సెలబ్రిటీలను తీసుకొస్తారా, లేక సామాన్య ప్రజలతో షో చేస్తారా? అంటూ డిస్కషన్స్ పెడుతున్నారు. ప్రతిసారి హౌజ్ లోకి కొత్తవారిని ఇన్వైట్ చేస్తున్న విషయం తెలిసిందే. ఇక ఈసారి యూట్యూబర్ గా గుర్తింపు దక్కించుకున్న ‘బ్యాంకాక్ పిల్ల’ను తీసుకురాబోతున్నారని తెలుస్తోంది.
Bangkok Pilla యూట్యూబ్ ఛానెల్ తో శ్రావణి సమంతపూడి ఫేమ్ దక్కించుకుంది. యూట్యూబ్ యూజర్లకు ఈమె బాగా సుపరిచితం. తెలుగు భాషా, యాసతో బ్యాంకాక్ నుంచి వరుసగా వీడియోలు షేర్ చేస్తుంది. నగరంలోని అన్ని ప్రాంతాల్లో తిరుగుతూ ఇంట్రెస్టింగ్ డిటేయిల్స్ అందించేది. అయితే, ఈమె విజయనగరానికి చెందినదే కావడంతో ‘బిగ్ బాస్ 7’లోకి తీసుకురాబోతున్నట్టు గట్టిగా ప్రచారం జరుగుతోంది.
మరోవైపు నిన్నే శ్రావణి కుటుంబంతో సహా ఇండియాకూ చేరుకుంది. ఇందుకు సంబంధించిన వీడియోను తన యూట్యూబ్ ఛానెల్ లో అప్ లోడ్ చేసింది.ఈ క్రమంలో త్వరలో ప్రారంభం కాబోతున్న ఈ రియాలిటీ షోలో పాల్గొనేందుకు సిద్ధంగా ఉన్నట్టు తెలుస్తోంది. గతేడాది బిగ్ బాస్ తెలుగు 6లో చూస్తే హౌజ్ లో 21 మంది ఎంట్రీ ఇచ్చారు. ఇక ఈసారి మాత్రం 25 మందిని తీసుకురాబోతున్నారని తెలుస్తోంది. ఇందులో ఒక డివోర్స్ జంట కూడా ఉంటుందని కూడా అంటున్నారు.
ఇప్పటికే కొందరు పేర్లు కాంటెస్టెంట్లుగా వినిపిస్తోంది. ఇందులో సీరియల్ యాక్టర్స్, యాంకర్స్, యూట్యూబర్స్, సింగర్స్, కమెడియన్స్ ను ఎంచుకుంటున్నట్టు తెలుస్తోంది. ఇక బిగ్ బాస్ సీజన్ 6 చాలా మేరకు విమర్శలు అందుకుంది. ఈసారి వాటన్నింటినీ సరిచేసేలా గ్రాండ్ గా ప్లాన్ చేస్తున్నారని తెలుస్తోంది. మరోవైపు హోస్ట్ విషయంలోనూ పలువురు స్టార్ల పేర్లు వినిపిస్తున్నాయి. వీటిపైనా మున్ముందు అప్డేట్స్ అందాల్సి ఉంది.