పవర్ స్టార్ పవన్ కళ్యాణ్ హీరో గా నటించిన లేటెస్ట్ చిత్రం ‘బ్రో ది అవతార్’ వచ్చే నెల 28 వ తారీఖున ప్రపంచవ్యాప్తంగా ఘనంగా విడుదల కాబోతున్న సంగతి అందరికీ తెలిసిందే. ఈ సందర్భంగా అభిమానులు ఎప్పటి నుండో ఎదురు చూస్తున్న టీజర్ ని మొన్న సాయంత్రం విడుదల చేసారు. ఈ టీజర్ విడుదలైన క్షణం నుండి రికార్డుల మోత మోగిస్తూనే ఉంది.
యూట్యూబ్ లో అప్లోడ్ చేసిన 20 నిమిషాల లోపే ఈ టీజర్ కి రెండు మిలియన్ కి పైగా వ్యూస్ వచ్చాయి. ఇది ఆల్ టైం ఫాస్టెస్ట్ రికార్డు అని అంటున్నారు ఫ్యాన్స్. ఆ తర్వాత అర్ధరాత్రికే ఈ టీజర్ పది మిలియన్ వ్యూస్ కి చేరుకుంది. జెట్ స్పీడ్ లో ఒక పక్క వ్యూస్ మరో లైక్స్ ని దక్కించుకున్న ఈ టీజర్ కి 24 గంటల్లో 25 మిలియన్ వ్యూస్ వచ్చాయి.
అలా అదే రేంజ్ స్పీడ్ ని కొనసాగిస్తూ ఈ చిత్రానికి నిన్న అర్థ రాత్రి సమయానికి 30 మిలియన్ కి పైగా వ్యూస్ మరియు 5 లక్షలకు పైగా లైక్స్ వచ్చాయి. రీసెంట్ గా థియేటర్స్ లో విడుదలైన ‘ఆదిపురుష్’ మూవీ టీజర్ కి అప్పట్లో తెలుగు వెర్షన్ లైఫ్ టైం వ్యూస్ 27 మిలియన్లు రాగా, మహేష్ బాబు ‘గుంటూరు కారం’ టీజర్ కి 32 మిలియన్ వ్యూస్ వచ్చాయి.
మరోపక్క స్టైలిష్ స్టార్ అల్లు అర్జున్ ‘పుష్ప : ది రూల్ ‘ గ్లిమ్స్ వీడియో కి దాదాపుగా 28 మిలియన్ వ్యూస్ వచ్చాయి. ఇలా పాన్ ఇండియన్ మూవీస్ అన్నిటిని ‘బ్రో’ టీజర్ కేవలం ఒక్క రోజులోనే దాటేయడం ఇప్పుడు సోషల్ మీడియా లో హాట్ టాపిక్ గా మారింది. పవన్ కళ్యాణ్ ఒక్కసారి ఎంటర్టైన్మెంట్ జానర్ లో దిగితే, రికార్డుల వేట ఇంత క్రూరంగా ఉంటుందని అంటున్నారు ఫ్యాన్స్.
