పవన్ కళ్యాణ్ నుండి సినిమా విడుదలై దాదాపుగా ఏడాది సమయం దాటింది. అభిమానులు తమ అభిమాన హీరో ని వెండితెర మీద దర్శనం చేసుకునేందుకు ఎప్పటి నుండో ఆత్రంగా ఎదురు చూస్తున్నారు. అభిమానుల ఎదురు చూపులకు తెరదించుతూ వచ్చే నెల 28 వ తారీఖున ఈ సినిమా ప్రపంచవ్యాప్తంగా ఘనంగా విడుదల కాబోతుంది. ఈ సందర్భంగా ఈ చిత్రానికి సంబంధించిన టీజర్ కోసం అభిమానులు గత కొంతకాలం నుండి కళ్ళు కాయలు కాచేలా ఎదురు చూస్తూ ఉన్నారు.
నెల రోజుల్లో సినిమా పెట్టుకొని ఇప్పటి వరకు టీజర్ విడుదల చెయ్యలేదని ఫ్యాన్స్ సోషల్ మీడియా లో మేకర్స్ పై ఎంతలా విరుచుకుపడుతున్నారో మన అందరికీ తెలిసిందే.అయితే ఈరోజు విడుదల చేసిన టీజర్ తో ఇన్ని రోజులు ఫ్యాన్స్ పడిన మనోవేదనకు తెరపడింది. డైరెక్టర్ సముద్ర ఖని వింటేజ్ పవన్ కళ్యాణ్ ని చూపించి ఫ్యాన్స్ ఆకలి టీజర్ తోనే తీర్చేసాడు.
ఇక టీజర్ ఎలా ఉందో ఒకసారి గమనిస్తే పవన్ కళ్యాణ్ ని ఇందులో డైరెక్టర్ సముద్ర ఖని ఒకప్పటి పవన్ కళ్యాణ్ ఎంత ఎనర్జీ తో ఉండేవాడో,అంతే ఎనర్జీ తో చూపించే ప్రయత్నం చేసాడు. ఫ్యాన్స్ కి వింటేజ్ పవన్ కళ్యాణ్ ని టీజర్ లోనే చూసేసరికి వాళ్లకు కడుపు నిండిపోయింది. టీజర్ ప్రారంభం లోనే మొన్న విడుదల చేసిన పోస్టర్ లో ఉన్నట్టుగా ఎర్ర చొక్కా, మరియు లుంగీ తో దిగిపోతాడు పవన్ కళ్యాణ్.
అచ్చం తమ్ముడు సినిమాలో ఉన్న పవన్ కళ్యాణ్ ని చూసినట్టుగానే అనిపించింది ఫ్యాన్స్ కి. ఆ తర్వాత వివిధ రకాల స్టైలిష్ లుక్స్ తో కనిపిస్తాడు. చివర్లో ‘సినిమాలు ఎక్కువ చూస్తావేంట్రా నువ్వు’ అంటూ సాయి ధరమ్ ని అనడం హైలైట్ గా నిల్చింది. మొత్తానికి ఈ టీజర్ ఫ్యాన్స్ ని తెగ ఆకట్టుకుంది. ఇక సినిమా ఎలా ఉంటుందో చూడాలి.