ఇండస్ట్రీ మొత్తం ఇప్పుడు హాట్ టాపిక్ గా మారిన సిరీస్ ‘సైతాన్’. యాత్ర మూవీ డైరెక్టర్ మహి వీ రాఘవ్ దర్సకత్వం లో తెరకెక్కిన ఈ వెబ్ సిరీస్ కి సంబంధించిన టీజర్ ని ఇటీవలే విడుదల చేశారు. ఈ టీజర్ లో లేడీ క్యారెక్టర్స్ చాలా బోల్డ్ గా బూతులు మాట్లాడుతుండడం అందరినీ ఆశ్చర్యపర్చింది. ఇక ఈ సిరీస్ లో తన మార్గానికి అడ్డు వచ్చిన వాళ్ళని చంపుకుంటూ పోయే ‘జయప్రద’ పాత్రలో దేవయాని శర్మ నటించింది.
ఈ టీజర్ లో ఆ అమ్మాయిని చూడగానే, ఎవరు ఈమె ఇంత వైలెంట్ గా ఉంది, ఈమె చేసిన గత చిత్రాలేమిటి, అసలు ఈమె బ్యాక్ గ్రౌండ్ ఏమిటి అనే వాటిపై గూగుల్ లో నెటిజెన్స్ వెతికారు. అలా వివరాల్లోకి వెళ్తే దేవయాని తెలుగు లో 2020 వ సంవత్సరం లో ‘భానుమతి రామకృష్ణ’ అనే సినిమా ద్వారా ఎంట్రీ ఇచ్చింది.
ఆ తర్వాత పూరి జగన్నాథ్ కొడుకు ఆకాష్ హీరో గా నటించిన ‘రొమాంటిక్’ అనే చిత్రం లో కూడా ఒక ముఖ్య పాత్ర పోషించింది. ఈ రెండు సినిమాలు ఆమెకి ఆమెకి పెద్దగా గుర్తింపుని ఇవ్వలేదు కానీ, రీసెంట్ గా హాట్ స్టార్ స్ట్రీమింగ్ అవుతున్న ‘సేవ్ ది టైగర్స్’ అనే వెబ్ సిరీస్ ద్వారా మంచి గుర్తింపుని దక్కించుకుంది.ఈ సిరీస్ పెద్ద హిట్ అవ్వడం తో ఈ క్రేజీ హీరోయిన్ కి వరుసగా అటు సినిమాల్లోనూ ఇటు వెబ్ సిరీస్ లలోను అవకాశాలు వస్తున్నాయి.
ఇక ప్రస్తుతం ఆమె చేసిన ‘సైతాన్’ మూవీ లో తన పాత్ర గురించి మాట్లాడుతూ ‘ నా పాత్రలో చాలా షేడ్స్ ఉన్నాయి, కేవలం ఈ పాత్రని అలవాటు చేసుకునేందుకు 30 రోజుల పాటు వర్క్ షాప్ సెషన్ లో పాల్గొన్నాను. ఈ క్యారక్టర్ లో నేను ఎంత బోల్డ్ గా ఉన్నాను అనేది మీరు టీజర్ లో చూసి ఉంటారు, అది కేవలం ఒక్క శాతం మాత్రమే, సిరీస్ విడుదల అయినా తర్వాత నా విశ్వరూపం చూస్తారు’ అంటూ చెప్పుకొచ్చింది దేవయాని శర్మ.