ఆంధ్ర ప్రదేశ్ లో సార్వత్రిక ఎన్నికలకు సరిగ్గా ఏడాది సమయం ఉంది, ఈ ఎన్నికలకు రాజకీయ పార్టీలు తమ వ్యూహాలతో ఎన్నికల బరిలోకి పోటీ పడేందుకు సిద్ధం అవుతున్నాయి. ఈ నేపథ్యం లో పార్టీలు ప్రజలకు దగ్గరయ్యే ఏ చిన్న అవకాశాన్ని కూడా వదులుకోవడం లేదు.గత ఎన్నికలకు ముందు వై ఎస్ రాజశేఖర్ రెడ్డి బయోపిక్ ని ఆధారంగా తీసుకొని మహి వీ రాఘవ్ ‘యాత్ర’ అనే సినిమా తీసాడు.
ఇందులో మలయాళం స్టార్ హీరో మమ్మూటీ రాజశేఖర్ రెడ్డి పాత్రని పోషించాడు.ఈ సినిమా అప్పట్లో పెద్ద బ్లాక్ బస్టర్ హిట్ అయ్యింది. ఇప్పుడు మహి వీ రాఘవ్ జగన్ బయోపిక్ గా ‘యాత్ర 2’ తియ్యబోతున్నాడు.ఈ చిత్రం ఎన్నికల సమయానికి సిద్ధం అయ్యే విధంగా ప్లాన్ చేస్తున్నాడు,ఇందులో జగన్ పాత్ర ని ప్రముఖ తమిళ హీరో జీవా పోషించబోతున్నాడట.
ఇది ఇలా ఉండగా జనసేన పార్టీ అధినేత పవన్ కళ్యాణ్ మీద కూడా ఒక బయోపిక్ ని ప్లాన్ చేస్తున్నారట. పవన్ కళ్యాణ్ వీరాభిమాని గా చెప్పుకునే హరీష్ శంకర్ ఈ చిత్రానికి దర్శకత్వం వహించబోతున్నట్టు ఇండస్ట్రీ లో ఒక టాక్ వినిపిస్తుంది. ఇందులో హీరో ఎవరు, ఏమిటి అనే విషయాలు ఇంకా బయటకి రాలేదు కానీ, ఈ బయోపిక్ తియ్యాలని మాత్రం హరీష్ శంకర్ స్క్రిప్ట్ ని ఎప్పుడో సిద్ధం చేసి ఉంచాడట.
సినిమా తెరకెక్కించడానికి పవన్ కళ్యాణ్ అనుమతి ఒక్కటే బ్యాలన్స్ ఉంది.ప్రస్తుతం హరీష్ శంకర్ పవన్ కళ్యాణ్ తో ‘ఉస్తాద్ భగత్ సింగ్’ అనే చిత్రాన్ని చేస్తున్నాడు. ఇటీవలే ఒక షెడ్యూల్ కూడా పూర్తి అయ్యింది, మే 11 వ తేదీన ఈ సినిమాకి సంబంధించి గ్లిమ్స్ వీడియో ని కూడా విడుదల చెయ్యబోతున్నారు.ఈ చిత్రం పూర్తి అవ్వగానే ఈ సినిమా ప్రారంభించి, వచ్చే ఏడాది ఎన్నికల సమయానికి విడుదల చేసేలా ప్లాన్ చేస్తున్నారట. ఒక పక్క జగన్ బయోపిక్ మరో పక్క పవన్ కళ్యాణ్ బయోపిక్, ఈ రెండు సినిమాల్లో జనాలు దేనికి బ్రహ్మరథం పడుతారో చూడాలి.