RRR Movie : ఆస్కార్ అవార్డ్స్ లో నామినేషన్స్ దక్కించుకొని ప్రపంచం మొత్తం మన తెలుగు సినిమా వైపు చూసేలా చేసిన చిత్రం #RRR .’బెస్ట్ ఒరిజినల్ సాంగ్’ క్యాటగిరిలో ‘నాటు నాటు’ పాట నామినేట్ అయిన సంగతి అందరికీ తెలిసిందే.ఇన్ని రోజులు ఆస్కార్ అవార్డు వస్తుందా లేదా అని టెన్షన్ తో ఎదురు చూసిన ఫ్యాన్స్ మరికొద్ది గంటలు ఆ ఉత్కంఠ ని మైంటైన్ చెయ్యక తప్పదు. ఎందుకంటే రేపే ఆస్కార్ అవార్డ్స్ ప్రదానోత్సవం లాస్ ఏంజిల్స్ లో జరగబోతుంది.
ఈ ప్రొమోషన్స్ కోసం #RRR మూవీ టీం గత కొద్దీ రోజులుగా అమెరికాలోనే మకాం వేసింది.అక్కడి మీడియా చానెల్స్ కి ఇంటర్వ్యూస్ ఇస్తూ ఆస్కార్ అవార్డ్స్ నామినేషన్స్ కి ఓట్స్ పడేలా చెయ్యడం కోసం ఎంతో కష్టపడింది.మరి ఆ కష్టానికి తగిన ఫలితం వస్తుందో లేదో మరికొద్ది గంటల్లో తెలియనుంది.ఇది ఇలా ఉండగా ఈ ఈవెంట్ లో జరగాల్సిన ముఖ్య కార్యక్రమం పై జూనియర్ ఎన్టీఆర్ చేసిన కామెంట్లు ఇప్పుడు అభిమానులను తీవ్రమైన నిరాశకి గురి చేసింది.
ఇక అసలు విషయానికి వస్తే ఆస్కార్ అవార్డ్స్ ఈవెంట్ లో జూనియర్ ఎన్టీఆర్ మరియు రామ్ చరణ్ ‘నాటు నాటు’ పాటకు లైవ్ డ్యాన్స్ పెర్ఫార్మన్స్ ఇస్తారని మొదటి నుండి సోషల్ మీడియా లో ప్రచారం అవుతూనే ఉంది.మన తెలుగోడు ఆస్కార్ అవార్డ్స్ ఈవెంట్ లో నిలబడడమే ఒక గొప్ప విజయం,అలాంటిది ఎంతో మంది దిగ్గజాలు ఆసీనులు అయిన సందర్భంలో మన తెలుగు హీరోలు డ్యాన్స్ వేస్తే చూడాలని ఎంతో కోరికతో ఉన్నారు అభిమానులు.
ఆస్కార్ అవార్డు వచ్చినా రాకపోయినా ఈ జ్ఞాపకాలను పదిలంగా ఉంచుకోవచ్చు అని అభిమానులు ఆశపడ్డారు. కానీ చివరికి నిరాశే మిగిలింది, ఎన్టీఆర్ మాట్లాడుతూ ‘మేము ఎలాంటి రిహార్సల్స్ చెయ్యలేదు, మేమిద్దరం డ్యాన్స్ చెయ్యము కానీ, కీరవాణి గారి నేతృత్వం లో ఒక లైవ్ పెర్ఫార్మన్స్ ఉంటుంది’ అని చెప్పుకొచ్చాడు ఎన్టీఆర్. ఇది ఇప్పుడు అభిమానులను తీవ్రమైన నిరాశకి గురి చేసింది. కనీసం ఈ ఈవెంట్ లో వీళ్లిద్దరు వేదిక మీద మాట్లాడుతారో లేదో చూడాలి.