Brahmanandam : హాస్య బ్రహ్మ బ్రహ్మానందం గురించి ప్రత్యేకంగా చెప్పాల్సిన పనిలేదు. తన మార్క్ కామెడీతో ఇండస్ట్రీలో లెజెండ్ కమెడియన్ గా నిలిచిపోయారు. కాస్త స్ట్రెస్ అనిపిస్తే చాలు బ్రహ్మనందం కామెడీ సీన్స్ చూస్తే చాలు ఎంతో రిలీఫ్ వస్తుంది. అంతటి పాపులారిటీ సంపాదించుకున్న బ్రహ్మానందం ఇటీవల తన పుట్టిన రోజు వేడుకను జరుపుకున్నారు. బ్రహ్మానందం పుట్టినరోజు సందర్భంగా ఆయన తొలిసారి నటించిన తెలుగు నేపాలి మూవీ హ్రశ్వ దీర్ఘ అనే సినిమాకి సంబంధించిన రిలీజ్ డేట్ అనౌన్స్ చేశారు చిత్ర బృందం.
లెజెండరీ కమెడీయన్ బ్రహ్మానందం ఇప్పటికే అత్యధిక సినిమాలు చేసిన నటుడిగా గిన్నిస్ బుక్ రికార్డుల్లోకి ఎక్కారు. ప్రస్తుతం ఆయన సెలెక్టివ్ గా సినిమాలు చేస్తున్నారు అన్న మాటే కానీ.. అడపాదడపా ప్రేక్షకులను పలకరిస్తూనే ఉన్నారు. ఇక ఆయన పుట్టిన రోజు సందర్భంగా ఆయన నటించిన తెలుగు, నేపాలి మూవీకి సంబంధించిన విడుదల తేదీని ప్రకటించారు.
ఈ సినిమాకి హ్రశ్వ దీర్ఘ అనే టైటిల్ కూడా ఫిక్స్ చేశారు. ఈ సినిమాకి చంద్ర పంత్ దర్శకత్వం వహించారు. కబీర్ లాల్ డైరెక్టర్ ఆఫ్ ఫోటోగ్రఫీ గా వ్యవహరించారు. ఇక హరిహర్ అధికారి స్టోరీ అందించిన ఈ సినిమాకి నీతా దుంగనా ప్రొడ్యూసర్ గా వ్యవహరించారు. ఈ సినిమాని నీతా ఫిలింస్ ప్రొడక్షన్ బ్యానర్ మీద నిర్మనిచ్చారు. ఈ సినిమాని సెప్టెంబర్ 27వ తేదీన రిలీజ్ చేస్తున్నట్లు ప్రకటించారు. బ్రహ్మానందం నవ్వుతున్న ఫోటోతో ఉన్న పోస్టర్ విడుదల చేశారు. ఇక ఈ సినిమాలో హరిహర్ అధికారి, నీతా దుంగనా, బ్రహ్మానందం, ప్రదీప్ రావత్, సునీల్ వర్మ కబీర్ దుల్హన్ సింగ్ వంటి వారు కీలక పాత్రలలో నటించారు. తెలుగు సినీ చరిత్రలో ఇదే మొట్టమొదటి తెలుగు నేపాలి మూవీ ఇదే.